ଓଡ଼ିଶାଲାଇଭ୍ ବ୍ୟୁରୋ
ରାଜସ୍ଥାନର ହାଇପ୍ରୋଫାଇଲ ବିବାହରେ ଯୋଗ ଦେଇପାରନ୍ତି ଆମେରିକାର ରାଷ୍ଟ୍ରପତି ଟ୍ରମ୍ପଙ୍କ ଝିଅ ଓ ଜ୍ୱାଇଁ।
ଚଳିତ ସପ୍ତାହରେ ରାଜସ୍ଥାନର ଜୈସଲମୈର ହେବାକୁ ଥିବା ଏକ ହାଇପ୍ରୋଫାଇଲ ବିବାହରେ ଯୋଗ ଦେଇପାରନ୍ତି ଆମେରିକାର ରାଷ୍ଟ୍ରପତି ଟ୍ରମ୍ପଙ୍କ ଜ୍ୱାଇଁ ଜେରେଦ କୁଶନର୍। ଏଥିସହ ତାଙ୍କ ସାଙ୍ଗରେ ଆସି ପାରନ୍ତି ତାଙ୍କର ଧର୍ମପତ୍ନୀ ତଥା ରାଷ୍ଟ୍ରପତି ଟ୍ରମ୍ପଙ୍କ ଝିଅ ଇଭାଙ୍କା ଟ୍ରମ୍ପ।
ନଭେମ୍ବର ୨୨ରୁ ୨୫ ପର୍ଯ୍ୟନ୍ତ ଅନୁଷ୍ଠିତ ହେବ ଏହି ହାଇପ୍ରୋଫାଇଲ ବିବାହ। ଏବିଷୟରେ ଆମେରିକୀୟ ଦୂତାବାସ ତରଫରୁ କୌଣସି ସୂଚନା ମିଳିପାରିନାହିଁ ।
ଅନ୍ୟପଟେ ଆମେରିକୀୟ ଦୂତାବାସରୁ ସୁରକ୍ଷାକର୍ମୀଙ୍କ ଏକ ୫୦ ଜଣିଆ ଟିମ ଜୈସଲମୈରରେ ପହଞ୍ଚି ସାରିଛନ୍ତି। ଏଥିସହ ଜେରେଦ ଓ ଇଭାଙ୍କା ଉଭୟ ନଭେମ୍ବର ୨୨ ତାରିଖରେ ଏକ ସ୍ୱତନ୍ତ୍ର ଚାଟାର୍ଡ ପ୍ଲେନ ଜରିଆରେ ଆସିବାର ସମ୍ଭାବନା ରହିଛି।
ହ୍ୱାଇଟ ହାଇସ୍ରୁ ଜେରେଦ ଓ ଇଭାଙ୍କାଙ୍କ ଆସିବା ନେଇ କୌଣସି ସୂଚନା ଆସିନାହିଁ ବୋଲି ଜିଲ୍ଲା କଲେକ୍ଟର ଓମ୍ କାସେରା କହିଛନ୍ତି।
ଏହା ପୂର୍ବରୁ ମଧ୍ୟ ଇଭାଙ୍କା ଭାରତକୁ ଆସିଛନ୍ତି। ୨୦୧୭ରେ ହାଇଦ୍ରାବାଦଠାରେ ଅନୁଷ୍ଠିତ ହୋଇଥିବା ବିଶ୍ୱ ଉଦ୍ଦ୍ୟମତା ଶିଖର ସମ୍ମିଳନୀରେ ଯୋଗ ଦେଇଥିଲେ।
