ଓଡ଼ିଶାଲାଇଭ୍ ପଲିଟିକାଲ ବ୍ୟୁରୋ
ମାହାଙ୍ଗା ବିଧାନସଭା ଆସନ ଲାଗି ଗୁରୁବାର ପ୍ରାର୍ଥିପତ୍ର ଭରିଲେ ପ୍ରତାପ ଜେନା। ସେ ଚଳିତ ନିର୍ବାଚନରେ ମାହାଙ୍ଗା ନିର୍ବାଚନ ମଣ୍ଡଳରୁ ବିଜେଡି ବିଧାୟକ ପ୍ରାର୍ଥୀ ହୋଇଛନ୍ତି।
ଦଳୀୟ କର୍ମୀ ଓ ବିଶାଳ ଶୋଭାଯାତ୍ରାରେ ଆସି କଟକ ଉପ ଜିଲ୍ଲାପାଳ ତଥା ରିଟର୍ଣ୍ଣିଂ ଅଫିସରଙ୍କ ପାଖରେ ପ୍ରାର୍ଥିପତ୍ର ଭରିଛନ୍ତି ପ୍ରତାପ। ଏକ ସୁସଜ୍ଜିତ ଗାଡ଼ିରେ ପ୍ରତାପ ସମର୍ଥକମାନଙ୍କୁ ଉତ୍ସାହିତ କରିଥିଲେ। ଶୋଭାଯାତ୍ରା ବେଳେ କମ୍ପି ଉଠୁଥିଲା ପ୍ରତାପ ପ୍ରତାପ। ସାରା ଅଞ୍ଚଳ ହୋଇଯାଇଥିଲା ସବୁଜମୟ।
ପ୍ରତାପ ଜେନା ୨୦୦୦ ମସିହାରୁ ଲଗାତାର ୪ ଥର ବିଧାୟକ ଭାବେ ବିଧାନସଭାକୁ ନିର୍ବାଚିତ ହୋଇଛନ୍ତି। କିଷନନଗରରୁ ୨ ଥର ନିର୍ବାଚିତ ହୋଇଥିବା ବେଳେ ମାହାଙ୍ଗାରୁ ୨ ଥର ଜିତିଛନ୍ତି। ଏହା ମାହାଙ୍ଗାରୁ ତାଙ୍କର ତୃତୀୟ ଲଢ଼େଇ। ଏବଂ ରାଜନୈତି କ୍ୟାରିୟରରେ ୫ମ ଥର ଲଢ଼େଇ ହେବ।
ଅନ୍ୟପଟେ ମାହାଙ୍ଗା ବିଧାନସଭା ପାଇଁ ବିଜେପିର ସାରଦା ପ୍ରଧାନ ଓ କଂଗ୍ରେସର ଦେବେନ୍ଦ୍ର ସାହୁ ଟିକେଟ୍ ପାଇଛନ୍ତି।
