ଓଡ଼ିଶାଲାଇଭ୍ ପଲିଟିକାଲ ବ୍ୟୁରୋ
ନିର୍ବାଚନ ସମ୍ପର୍କିତ ଗୁରୁତ୍ୱପୂର୍ଣ୍ଣ ଖବର ପଢ଼ନ୍ତୁ।
ମେ ୧୯ରେ ପାଟକୁରାରେ ନିର୍ବାଚନ
ପାଟକୁରା ନିର୍ବାଚନ ନେଇ ବିଜ୍ଞପ୍ତି ପ୍ରକାଶ କଲେ ନିର୍ବାଚନ ଅଧିକାରୀ। ମେ ୧୯ରେ ପାଟକୁରାରେ ହେବ ମତଦାନ। ମେ ୧ରେ ପ୍ରାର୍ଥିପତ୍ର ଦାଖଲ ପ୍ରକ୍ରିୟା ଆରମ୍ଭ ହେବ। ୨ତାରିଖରେ ଯାଞ୍ଚ ଓ ୪ରେ ପ୍ରାର୍ଥିପତ୍ର ପ୍ରତ୍ୟାହାରର ଶେଷ ତାରିଖ ରହିଛି।
୨୯ରେ ବାରଣାସୀରେ ପହଞ୍ଚିବେ ପ୍ରିୟଙ୍କା, କରିବେ କାଳ ଭୈରବ ମନ୍ଦିରରେ ପୂଜା
ବାରଣାସୀରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିପକ୍ଷରେ କଂଗ୍ରେସ ମହାସିଚବ ତଥା ରାହୁଲଙ୍କ ଭଉଣୀ ପ୍ରିୟଙ୍କା ଗାନ୍ଧି ପ୍ରାର୍ଥୀ ହୋଇପାରନ୍ତି। ଏ ନେଇ ରାଜନୈତିକ କରିଡରରେ ଢେର ଚର୍ଚ୍ଚା। ଅନ୍ୟପଟେ ପ୍ରିୟଙ୍କା ନିଜେ ଏ ନେଇ ସଙ୍କେତ ଦେଇସାରିଛନ୍ତି ଯେ ଯଦି ଦଳ ତାଙ୍କୁ ଟିକେ ଦିଏ ତେବେ ନିଶ୍ଚିତ ଭାବେ ମୋଦିଙ୍କ ବିପକ୍ଷରେ ନିର୍ବାଚନ ଲଢ଼ିବେ। ସୂଚନାନୁସାରେ ଏପ୍ରିଲ ୨୯ରେ ପ୍ରିୟଙ୍କା ବାରଣାସୀରେ ପହଞ୍ଚିବେ ସେଠାରେ ସେ କାଳ ଭୈରବ ମନ୍ଦିରରେ ପୂଜା କରିବେ।
ବାଲେଶ୍ୱରର ସଭାରେ ମୋଦିଙ୍କ ଟାର୍ଗେଟର ଜବାବ ରଖିଲେ ନବୀନ
ଚତୁର୍ଥ ପର୍ଯ୍ୟାୟ ନିର୍ବାଚନ ଲାଗି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର ବାଲେଶ୍ୱର ଗସ୍ତ କରିଛନ୍ତି। ବାଲେଶ୍ୱର ଭୋଗରାଇରେ ମୁଖ୍ୟମନ୍ତ୍ରୀ ଏକ ସାଧାରଣ ସଭାରେ ଯୋଗ ଦେଇଥିଲେ।
‘‘ବିପଦ ବେଳେ ପ୍ରଧାନମନ୍ତ୍ରୀଙ୍କ ଦେଖାନଥିଲା। ଏବେ ଭୋଟ ପାଇଁ ପ୍ରତିଦିନ ଦୌଡ଼ୁଛନ୍ତିା ନିର୍ବାଚନ ଥିବାରୁ ପ୍ରଧାନମନ୍ତ୍ରୀ ବାରମ୍ବାର ଓଡ଼ିଶା ଆସି କୁମ୍ଭୀର କାନ୍ଦଣା କାନ୍ଦୁଛନ୍ତି’’, ସଭାରେ ନବୀନ ମୋଦିଙ୍କୁ ଟାର୍ଗେଟ କରି ଏଭଳି କହିଛନ୍ତିା
ପୁଣି ଓଡ଼ିଶା ଆସିବେ ରାଜନାଥ ସିଂହ
ତୃତୀୟ ପର୍ଯ୍ୟାୟ ମତଦାନ ସରିଥିବା ବେଳେ ନେତାମାନେ ଅନ୍ତିମ ପର୍ଯ୍ୟାୟ ନିର୍ବାଚନ ଲାଗି ପ୍ରଚାର ଜୋର କରୁଛନ୍ତି। ଏବେ ନେତାମାନଙ୍କ ଫୋକସ୍ ଓଡ଼ିଶା ରହିଛି। କେନ୍ଦ୍ରର ବରିଷ୍ଠ ନେତାମାନେ ଲଗାତାର ଓଡ଼ିଶା ଗସ୍ତ କରୁଛନ୍ତି। କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂହ ପୁଣି ଓଡ଼ିଶା ଗସ୍ତ କରୁଛନ୍ତି। ରାଜନାଥ ଏପ୍ରିଲ ୨୫ରେ ଓଡ଼ିଶା ଆସି ନିମାପଡ଼ା, ଚାନ୍ଦବାଲି ଓ ବରିରେ ସଭା କରିବେ।
୨୫ରେ ୯ଟି ବୁଥରେ ରି-ପୋଲିଂ
ଦ୍ଵିତୀୟ ପର୍ଯ୍ୟାୟରେ ମତଦାନ ବାତିଲ ହୋଇଥିବା ୯ଟି ବୁଥରେ ସାନି ମତଦାନ ହେବ। ଏହି ସମସ୍ତ ବୁଥରେ ଆସନ୍ତା ୨୫ତାରିଖରେ ଭୋଟଗ୍ରହଣ ହେବ। ଏ ନେଇ ନିର୍ବାଚନ କମିଶନ ନିର୍ଦ୍ଦେଶ ଦେଇଛନ୍ତି। ଦ୍ଵିତୀୟ ପର୍ଯ୍ୟାୟରେ ମତଦାନ ବେଳେ କର୍ମଚାରୀଙ୍କ ତ୍ରୁଟି ଯୋଗୁଁ ୮ଟି ଓ ଇଭିଏମ ଭଙ୍ଗା ପାଇଁ ଗୋଟିଏ ବୁଥରେ ନିର୍ବାଚନକୁ ବାତିଲ କରାଯାଇଥିଲା । ଯାହାପରେ ଏହି ସବୁ ବୁଥରେ ସାନି ମତଦାନ ପାଇଁ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ମୁଖ୍ୟ ନିର୍ବାଚନ ଅଧିକାରୀଙ୍କୁ ସୁପାରିସ କରିଥିଲେ।