ଓଡ଼ିଶାଲାଇଭ ବ୍ୟୁରୋ
ଜମ୍ମୁ କଶ୍ମୀରରେ ସହିଦ ହୋଇଥିବା ଓଡ଼ିଆ ଯବାନ ଅଜିତ ସାହୁଙ୍କ ପରିବାର ଲାଗି ଅନୁକମ୍ପା ରାଶି ଘୋଷଣା କରିଛନ୍ତି ରାଜ୍ୟ ସରକାର।
ସହିଦଙ୍କ ପରିବାରକୁ ୨୫ ଲକ୍ଷ ଟଙ୍କା ସହାୟତା ରାଶି ପ୍ରଦାନ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି। ସହାୟତା ରାଶି ଘୋଷଣା କରିବା ସହିତ ସହିଦଙ୍କ ପରିବାରକୁ ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ।
ଜୁନ ୧୭ ତାରିଖରେ ଜମ୍ମୁ କଶ୍ମୀର ଅନନ୍ତନାଗରେ ସହିଦ ହୋଇଥିଲେ ଅଜିତ। ଆଜି ତାଙ୍କ ପାର୍ଥିବଶରୀର ଓଡ଼ିଶାରେ ପହଞ୍ଚିବ।
