ଓଡ଼ିଶାଲାଇଭ୍ ପଲିଟିକାଲ ବ୍ୟୁରୋ
- ୱାର୍ଡର ସମସ୍ୟା ବୁଝିବେ ୱାର୍ଡ ଅଫିସର
- ସେପ୍ଟେମ୍ବର ପହିଲାରୁ ଲାଗୁ ହେବ ବ୍ୟବସ୍ଥା
- ଲୋକଙ୍କ ପାଖରେ ପହଞ୍ଚିବ ସୁବିଧା
- ସକାଳ ୧୦ଟାରୁ ୧୨ଟା ଯାଏଁ ଖୋଲିବ ୱାର୍ଡ ଅଫିସ୍
ପୌରାଞ୍ଚଳର ପ୍ରତି ୱାର୍ଡରେ ନିୟୋଜିତ ହେବେ ‘ୱାର୍ଡ ଅଫିସର’। ଏନେଇ ନଗର ଉନ୍ନୟନ ବିଭାଗ ନିଷ୍ପତ୍ତି ନେଇଛି। ୱାର୍ଡ ଅଫିସରମାନେ ସଂପୃକ୍ତ ୱାର୍ଡର ଲୋକଙ୍କ ସମସ୍ୟା ବୁଝି ସମାଧାନ କରିବେ।
ରାଜ୍ୟ ସରକାର 5-T ର କାର୍ଯ୍ୟକାରିତା ଉପରେ ଗୁରୁତ୍ୱ ଦେଉଛନ୍ତି। ଏଣୁ ନଗର ଉନ୍ନୟନ ବିଭାଗ 5-T କାର୍ଯ୍ୟକାରୀ କରିବା ପାଇଁ ୱାର୍ଡ ଅଫିସର ନିଯୁକ୍ତି ଦେବାକୁ ନିଷ୍ପତ୍ତି ନେଇଛି।
ସେପ୍ଟେମ୍ବର ୧ରୁ ୱାର୍ଡ ଅଫିସର ବ୍ୟବସ୍ଥା କାର୍ଯ୍ୟକାରୀ କରିବା ପାଇଁ ନଗର ଉନ୍ନୟନ ବିଭାଗ ସବୁ ପୌର ପାଳିକା ଏବଂ ମହାନଗର ନିଗମ କର୍ତ୍ତୃପକ୍ଷଙ୍କୁ ଚିଠି ଲେଖିଛନ୍ତି।
ପ୍ରତି ୱାର୍ଡରେ ସକାଳ ୧୦ଟାରୁ ୧୨ଟା ଯାଏଁ ଖୋଲିବ ୱାର୍ଡ ଅଫିସ୍। ପ୍ରତି ୱାର୍ଡରେ ଜଳ ଯୋଗାଣ, ଡ୍ରେନ୍ ଓ ରାସ୍ତା ମରାମତି, ଷ୍ଟ୍ରିଟ ଲାଇଟ୍ ପରି ଆତ୍ୟାବଶ୍ୟକ ସେବା ପାଇଁ କିଛି ଅଧିକାରୀମାନଙ୍କୁ ନେଇ ଟିମ୍ ଗଠନ ହେବ।
