ଓଡ଼ିଶାଲାଇଭ୍ ବ୍ୟୁରୋ
ସୁରକ୍ଷା ନୁହେଁ ସଉକ ପାଇଁ ପାଖରେ ବନ୍ଧୁକ ରଖିଛନ୍ତି ସ୍ୱାସ୍ଥ୍ୟମନ୍ତ୍ରୀ ନବ କିଶୋର ଦାସ। ବିଧାୟକ ହେବା ପରେ ନୁହେଁ ବରଂ ତାଙ୍କର ଛାତ୍ର ଜୀବନରୁ ସେ ନିଜ ପାଖରେ ବନ୍ଧୁକ ରଖିଛନ୍ତି। ସ୍ୱାସ୍ଥ୍ୟମନ୍ତ୍ରୀ ନିଜେ ଏନେଇ ବୁଧବାର ଗଣମାଧ୍ୟମକୁ ସୂଚନା ଦେଇଛନ୍ତି।
ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ବୁଧବାର ମନ୍ତ୍ରୀମାନଙ୍କ ସମ୍ପତ୍ତି ତାଲିକା ପ୍ରକାଶ କରାଯାଇଥିଲା। ଏହି ତାଲିକାରେ ସ୍ୱାସ୍ଥ୍ୟମନ୍ତ୍ରୀ ନବ ଦାସଙ୍କ ପାଖରେ ୨ଟି ରିଭଲଭର ଓ ଗୋଟିଏ ରାଇଫଲ୍ ଥିବା ସୂଚନା ମିଳିଥିଲା। ତାଙ୍କ ସ୍ତ୍ରୀ, ଝିଅଙ୍କ ପାଖରେ ମୋଟ ୩୨ ଲକ୍ଷ ଟଙ୍କାର ନଗଦ ରାଶି ରହିଛି ବୋଲି ଏହି ତାଲିକାରେ ଦର୍ଶାଯାଇଛି। ଏଥିସହିତ ତାଙ୍କ ପାଖରେ ୧ କୋଟି ଟଙ୍କାର ବ୍ୟାଙ୍କ ଜମା ଓ ୨କୋଟି ଟଙ୍କାର ସ୍ଥାୟୀ ଜମା ରହିଛି।
ସ୍ୱାସ୍ଥ୍ୟମନ୍ତ୍ରୀଙ୍କ ପାଖରେ ବନ୍ଧୁକ ରହିବା ନେଇ ଖବର ପ୍ରକାଶ ପାଇବା ପରେ ଏନେଇ ତାଙ୍କୁ ଗଣମାଧ୍ୟମ ପ୍ରଶ୍ନ କରିଥିଲା। ପ୍ରଶ୍ନର ଉତ୍ତର ଦେଇ ମନ୍ତ୍ରୀ କହିଥିଲେ ଯେ ସୁରକ୍ଷା ପାଇଁ ନୁହେଁ କେବଳ ସଉକ ପାଇଁ ସେ ବନ୍ଧୁକ ରଖିଛନ୍ତି। ଆଇନ୍ ଭିତରେ ରହି ସେ ଏହି ବନ୍ଧୁକ ରଖିଛନ୍ତି। ଏବେ ନୁହେଁ ସେ ଛାତ୍ର ଜୀବନରୁ ବନ୍ଧୁକ ରଖିଥିବା କଥା କହିଛନ୍ତି।
