ଓଡ଼ିଶାଲାଇଭ୍ ବ୍ୟୁରୋ
ଭୁବନେଶ୍ୱର ଖଣ୍ଡଗିରିରେ ଅଞ୍ଚଳରେ ନିର୍ମିତ ହୋଇଥିବା ଗାନ୍ଧୀ ଶାନ୍ତି କେନ୍ଦ୍ରକୁ ଉଦଘାଟନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ୫ ଏକର ଅଞ୍ଚଳରେ ପରିବ୍ୟାପ୍ତ ଏହି ସଂଗ୍ରହାଳୟରେ ଲୋକମାନେ ଗାନ୍ଧୀଙ୍କ ନୀତି, ଆଦର୍ଶ ବିଷୟରେ ଜାଣିପାରିବେ।
ରାଜ୍ୟ ସରକାର ଓ ଆଦିତ୍ୟ ବିର୍ଲାର ମିଳିତ ପ୍ରୟାସରେ ଏହି ସଂଗ୍ରହାଳୟକୁ ନିର୍ମାଣ କରାଯାଇଛି। ଜାତିର ପିତା ମହାତ୍ମା ଗାନ୍ଧୀଙ୍କ ୧୫୦ ତମ ଜନ୍ମ ଜୟନ୍ତ୍ରୀ ଅବସରରେ ଏହି ସଂଗ୍ରହାଳୟକୁ ନିର୍ମାଣ କରାଯାଇଛି ବୋଲି ଆଦିତ୍ୟ ବିର୍ଲା ଗ୍ରୁପ୍ ପକ୍ଷରୁ କୁହାଯାଇଛି।
ସୋମବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦଘାଟନ କରିବା ସହିତ ଏହାକୁ ବୁଲି ଦେଖିଥିଲେ। ମୁଖ୍ୟମନ୍ତ୍ରୀ ଏଠାରେ ଥିବା ଗାନ୍ଧୀ ମୂର୍ତ୍ତି ନିକଟରେ କିଛି ସମୟ କାଟିବା ସହିତ ଫଟୋ ମଧ୍ୟ ଉଠାଇଥିଲେ।
ସଂଗ୍ରହାଳୟଟି ସୋମବାର ବ୍ୟତୀତ ସପ୍ତାହର ଅନ୍ୟ ସମସ୍ତ ଦିନ ସର୍ବସାଧାରଣଙ୍କ ପାଇଁ ଖୋଲା ରହିବ। ଛାତ୍ରଛାତ୍ରୀଙ୍କଠାରୁ ଆରମ୍ଭ କରି ସମସ୍ତ ବର୍ଗର ଲୋକମାନେ ଏହାକୁ ବୁଲି ଦେଖିପାରିବେ। ଏହି ସଂଗ୍ରହାଳୟକୁ ବୁଲି ଦେଖିବା ଦ୍ୱାରା ଗାନ୍ଧୀଜୀଙ୍କ ଜୀବନୀ, ଆଦର୍ଶ ଓ ମୂଲ୍ୟବୋଧ ସମ୍ପର୍କରେ ବିଶେଷ ସୂଚନା ମିଳିପାରିବ ବୋଲି କୁହାଯାଇଛି।
