ଓଡ଼ିଶାଲାଇଭ୍ କରୋନା ବ୍ୟୁରୋ
ରାଜଧାନୀ ଭୁବନେଶ୍ୱରରେ କେଉଁ ଦୋକାନ ଖୋଲିବ ଏବଂ କେଉଁ ଦୋକାନ ବନ୍ଦ ରହିବ ସେ ନେଇ ସୂଚନା ଦେଇଛନ୍ତି ବିଏମସି କମିସନର ପ୍ରେମଚନ୍ଦ ଚୌଧୁରୀ। ଜାଣନ୍ତୁ, ସମ୍ପୂର୍ଣ୍ଣ ସୂଚନା…..
କେଉଁ ଦୋକାନ ଖୋଲା ରହିବ?
- ମାର୍କେଟ୍ କମ୍ପ୍ଲେକ୍ସ, ମଲ୍ଟି ବ୍ରାଣ୍ଡ ଓ ସିଙ୍ଗଲ୍ ବ୍ରାଣ୍ଡ ମଲକୁ ଛାଡ଼ି ସବୁ ଦୋକାନ ଖୋଲାରହିବ।
- ଗୋଟିଏ ବିଲଡିଂରେ ୫ଟି ଦୋକାନ ରହିଥିଲେ ତାକୁ ମାର୍କେଟ କମ୍ଲେକ୍ସ ଭାବେ ଗ୍ରହଣ କରାଯିବ।
- ଅତ୍ୟାବଶ୍ୟକ ଖାଦ୍ୟ ସାମଗ୍ରୀ ବିକ୍ରି କରୁଥିବା ଦୋକାନଗୁଡ଼ିକ ଖୋଲାରହିବ।
- ଭୁବନେଶ୍ୱରର ପ୍ରତ୍ୟେକ ରେସିଡେନସିଆଲ୍ କମ୍ପେକ୍ସ ଖୋଲାରହିବ।
- ଇଲେକ୍ଟ୍ରୋନିକ୍ସ ସାମଗ୍ରୀ, ଗ୍ୟାରେଜ, ମୋଟର ପାର୍ଟସ, ବହି ଦୋକାନ ଖୋଲାରହିବ।
- ହୋମ୍ ଡେଲିଭରି ଯୋଗାଉଥିବା ରେସ୍ତୋରାଁ ଏବଂ ଅନଲାଇନ୍ ଡେଲିଭରି ଜାରି ରହିବ।
- ଟେଲି କମୁନିକେସନ, ଇଣ୍ଟରନେଟ ସର୍ଭିସ, ପଟ୍ରୋଲ ପମ୍ପ, ଗ୍ୟାସ ଆଦି ଦୋକାନ ଖୋଲାରହିବ।
- ଟୁରିଷ୍ଟମାନଙ୍କ ରହିବା ପାଇଁ ହୋଟେଲ, ଲଜ୍ ଆଦି ମଧ୍ୟ ଖୋଲାରହିବ।
- ରାଜଧାନୀରେ ସମସ୍ତ ନିର୍ମାଣ କାର୍ଯ୍ୟ ଚାଲିପାରିବ କିନ୍ତୁ ଶ୍ରମିକମାନେ ସେହି ନିର୍ମାଣଧୀନ ଅଞ୍ଚଳରୁ ହିଁ ରହିଥିବା ଦରକାର।
କେଉଁ ଦୋକାନ ଖୋଲିବନି?
- ମାର୍କେଟ କମ୍ପ୍ଲେକ୍ସ, ମଲ୍ଟି ଓ ସିଙ୍ଗଲ୍ ବ୍ରାଣ୍ଡ ମଲ୍ ଖୋଲିବ ନାହିଁ।
- ଜିମ୍, ଗେମ ପାର୍ଲର, ସେଲୁନ୍, ସ୍ପା, ବିୟୁଟି ପାର୍ଲର ଓ ମସାଜ ସେଣ୍ଟର ବନ୍ଦ ରହିବ।
- ପାନ, ଚା, କଫି, ଫାଷ୍ଟ ଫୁଡ୍ ଓ ଜଳଖିଆ ଦୋକାନ ବନ୍ଦ ରହିବ।
ଦୋକାନ ଖୋଲା ରହିଲେ କେଉଁ ନିୟମ ପାଳନ କରିବାକୁ ପଡ଼ିବ?
- ଦୋକାନ ମଧ୍ୟକୁ ୫ ଜଣ ଗ୍ରାହକ ଏକାସାଙ୍ଗରେ ପ୍ରବେଶ କରିପାରିବେ ନାହିଁ।
- ଦୋକାନରେ ସାମାଜିକ ଦୂରତା ପାଳନ କରାଯିବ।
- ଦୋକାନର କର୍ମଚାରୀମାନେ ମାସ୍କ ଓ ସାନିଟାଇଜର ବ୍ୟବହାର କରିବେ।
- ପୂର୍ବଭଳି ପରିବା ମାର୍କେଟର ବ୍ୟବସାୟୀମାନେ ଅଲଗା ଅଲଗା ହୋଇ ଖାଲି ସ୍ଥାନରେ ବେପାର କରିବେ।
- ରାଜଧାନୀର ସମସ୍ତ ଦୋକାନ ସକାଳ ୮ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଖୋଲାରହିବ।
- ଟ୍ରେଡ୍ ଲାଇସେନ୍ସକୁ ପାସ୍ ଭଳି ବ୍ୟବହାର କରି ବ୍ୟବସାୟୀମାନେ ଯିବା ଆସିବା କରିପାରିବେ।
