ଓଡ଼ିଶାଲାଇଭ୍ ବ୍ୟୁରୋ
ରାଜଧାନୀ ଭୁବନେଶ୍ୱରରୁ ଆଜି ଆଉ ୧୬୩ ପଜିଟିଭ୍ ଚିହ୍ନଟ ହୋଇଛନ୍ତି। ଏମାନଙ୍କ ମଧ୍ୟରୁ କ୍ୱାରେଣ୍ଟାଇନ କେନ୍ଦ୍ରରୁ ୧୦୪ ଥିଲା ବେଳେ ସ୍ଥାନୀୟ ଅଞ୍ଚଳରୁ ୫୯ ଜଣ ଅଛନ୍ତି। ଏନେଇ ବିଏମସି ଟୁଇଟ କରି ସୂଚନା ଦେଇଛି।
ସ୍ଥାନୀୟ ସଂକ୍ରମିତଙ୍କ ମଧ୍ୟରେ ଭରତପୁରରୁ ୭ ଜଣ, ୟୁନିଟ ୧ ଆଖଣ୍ଡଳମଣି ବସ୍ତିରୁ ୪ ଜଣ, ଲକ୍ଷ୍ମୀସାଗରରୁ ୨ ଜଣ, ସୈନିକ ସ୍କୁଲ ନିକଟରୁ ୨ ଜଣ, ହାଇଟେକ ମେଡିକାଲ ନିକଟରୁ ୧୧, ୟୁନିଟ ୩ ଖାରବେଳ ନଗରରୁ ୭ ଜଣ, ୟୁନିଟ ୪ ମାଛ ମାର୍କେଟରୁ ୮ ଜଣ ଅଛନ୍ତି।
ଭୁବନେଶ୍ୱରରେ କରୋନା ପଜିଟିଭ ସଂଖ୍ୟା ୧୯୯୧କୁ ବୃଦ୍ଧି ଘଟିଛି। ଏମାନଙ୍କ ମଧ୍ୟରୁ ୯୦୯ ସୁସ୍ଥ ହୋଇଥିଲା ବେଳେ ୧୧ ଜଣଙ୍କର ମୃତ୍ୟୁ ଘଟିଛି। ସେହିପରି ଏବେ ସୁଦ୍ଧା ୧୦୬୯ ଆକ୍ଟିଭ କେସ ରହିଛି।