ଓଡ଼ିଶାଲାଇଭ୍ ବ୍ୟୁରୋ
କରୋନା ଟିକାକରଣ ପାଇଁ ଦେଶରେ ଆରମ୍ଭ ହେବାକୁ ପଲ୍ସ ପୋଲିଓ କାର୍ଯ୍ୟକ୍ରମ ୨୦୨୧କୁ ସ୍ଥଗିତ ରଖାଯାଇଥିଲା। ଆଜି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ପୋଲିଓ କାର୍ଯ୍ୟକ୍ରମର ନୂଆ ତାରିଖ ପ୍ରକାଶ ପାଇଛି। ଜାନୁଆରି ୩୧ରୁ ଦେଶବ୍ୟାପୀ ପଲ୍ସ ପୋଲିଓ କାର୍ଯ୍ୟକ୍ରମ ଆରମ୍ଭ ହେବ।
ଜାନୁଆରି ୩୦ ତାରିଖ ପୂର୍ବାହ୍ଣ ୧୧.୪୫ ମିନିଟରେ ରାଷ୍ଟ୍ରପତିଙ୍କ ଭବନ ପରିସରରେ କେତେକ ଶିଶୁଙ୍କୁ ପୋଲିଓ ବୁନ୍ଦା ଦିଆଯିବ। ଏହା ପରେ ଜାନୁଆରି ୩୧ ତାରିଖ ଦିନ ସାରା ଦେଶରେ ୫ ବର୍ଷରୁ କମ୍ ପିଲାମାନଙ୍କୁ ପୋଲିଓ ବୁନ୍ଦା ଦିଆଯିବ।
#PolioImmunisationDay#PolioFreeIndia
Hon. President of India to launch Polio National Immunisation Day on 30th January 2021.
Polio NID rescheduled to 31th January 2021 (Sunday). pic.twitter.com/YGVFTcFlua
— Ministry of Health (@MoHFW_INDIA) January 14, 2021
ଜାନୁଆରି ୧୭ ତାରିଖରେ ପୋଲିଓ ଟିକାକରଣ ଅଭିଯାନ ଆରମ୍ଭ ହେବାକୁ ଥିଲା। ମାତ୍ର ୧୬ ତାରିଖରୁ କୋଭିଡ୍ ଟିକାକରଣ ଆରମ୍ଭ ହେଉଥିବାରୁ କେନ୍ଦ୍ର ସରକାର ପୋଲିଓ କାର୍ଯ୍ୟକ୍ରମ ସ୍ଥଗିତ କରିଥିଲେ।