ଓଡ଼ିଶାଲାଇଭ ଏଣ୍ଟରଟେନମେଣ୍ଟ ବ୍ୟୁରୋ
ବଲିଉଡର କୁଲ୍ ହିରୋ ହେଲେ ସିଦ୍ଧାର୍ଥ ମଲହୋତ୍ରା। ଏବେ ଆଗାମୀ ଫିଲ୍ମ ‘ଜବରିଆ ଯୋଡି’ର ପ୍ରମୋସନରେ ସେ ବ୍ୟସ୍ତ। ଫିଲ୍ମର ପ୍ରମୋସନ ପାଇଁ ସିଦ୍ଧାର୍ଥ ନିକଟରେ ‘ଦ କପିଲ ଶର୍ମା ସୋ’ରେ ପହଞ୍ଚିଥିଲେ। ଏହି ସୋ’ରେ ସେ ତାଙ୍କ ସ୍କୁଲ ଜୀବନ ସଂପର୍କରେ ଖୁଲାସା କରିଥିଲେ।
ସିଦ୍ଧାର୍ଥ ନବମ ଶ୍ରେଣୀରେ ଜଣେ ଝିଅଙ୍କ ପାଇଁ ଫେଲ ହୋଇଯାଇଥିଲେ ବୋଲି ଏହି ସୋ’ରେ କହିଥିଲେ। ନବମ ଶ୍ରେଣୀରେ ଫେଲ ହେବା ପରେ ତାଙ୍କ ପାଠପଢ଼ାରେ ବଡ଼ ପରିବର୍ତ୍ତନ ହୋଇଥିଲା। ତା’ପରେ ସେ ଦଶମ ଶ୍ରେଣୀରେ ଓ ଯୁକ୍ତ ୨ରେ ଭଲ ମାର୍କ ରଖି ପାସ କରିଥିଲେ ବୋଲି ସେ କହିଛନ୍ତି।
ସିଦ୍ଧାର୍ଥ ଖୁବଶୀଘ୍ର ଜବରିୟା ଯୋଡିରେ ନଜର ଆସିବେ। ଏଥିରେ ତାଙ୍କ ବିପକ୍ଷରେ ନାୟିକା ସାଜିଛନ୍ତି ପରିଣିତି ଚୋପ୍ରା।
ପ୍ରଶାନ୍ତ ସିଂହଙ୍କ ନିର୍ଦ୍ଦେଶିତ ଏହି କମେଡି ଫିଲ୍ମରେ ଅଭୟ ଏବଂ ବବଲୀଙ୍କ ଲଭଷ୍ଟୋରି ଦେଖାଯାଇଛି। ଏଥିରେ ସିଦ୍ଧାର୍ଥ ‘ଅଭୟ’ ଓ ପରିଣିତି ‘ବବଲି’ ଯାଦବ ଚରିତ୍ରରେ ଅଭିନୟ କରିଛନ୍ତି।
ଉତ୍ତରପ୍ରଦେଶ ଓ ବିହାରରେ ହେଉଥିବା ଜୋର ଜବରଦସ୍ତ ବିବାହ ପ୍ରସଙ୍ଗ ଉପରେ ଫିଲ୍ମର କାହାଣୀ ନିର୍ମାଣ ହୋଇଛି।
