ଓଡ଼ିଶାଲାଇଭ୍ ବ୍ୟୁରୋ
ବାଲେଶ୍ୱରରେ ମା’ ଦୁର୍ଗାଙ୍କ ପୂଜାର୍ଚ୍ଚନା ବିଧି ବେଶ ପୁରାତନ। ସହରର ବାରବାଟୀ ଅଞ୍ଚଳର ମଣ୍ଡଳ ପରିବାର, କର ପରିବାର, ଦେବ ପରିବାର ଓ ମଦନମୋହନ ଦାସ ପରିବାର ମିଳିତ ଭାବେ ଏହି ପୂଜା କରୁଥିଲେ। ଏହା ବୋଧହୁଏ ୧୭୦୦ ମସିହା ପୂର୍ବର କଥା।
୧୮୬୩ ମସିହାରେ ଶ୍ୟାମାଚରଣ କରଙ୍କ ବଂଶଧରମାନେ ଦୁର୍ଗାଙ୍କ ମୂର୍ତ୍ତି କରି ନିଜ ବୈଠକଖାନାରେ ପୂଜା କରୁଥିବା ଇତିହାସ କହେ। ସେ ସମୟରୁ ଆଜି ପର୍ଯ୍ୟନ୍ତ ଦୁର୍ଗାପୂଜାର ବ୍ୟାପକ କ୍ରମୋନ୍ନତି ହେବା ସହ ସହରରେ ପ୍ରତିବର୍ଷ ପୂଜା ମଣ୍ଡପ ବୃଦ୍ଧି ପାଇବାରେ ଲାଗିଛି।
୧୯୭୪ ମସିହାରୁ କାଳୀମନ୍ଦିର ଦୁର୍ଗାପୂଜା କମିଟି ମା’ ଦୁର୍ଗାଙ୍କ ପୂଜାକୁ ଅତି ଧୁମ୍ଧାମ୍ର ସହ ପାଳନ କରି ଆସୁଛନ୍ତି।
ମୁଖ୍ୟ ଆକର୍ଷଣ ବାଡ଼ି ଖେଳ
ଆଖଡ଼ା ଖେଳ ଭିତରେ ବନାଟି, ରୁକମାର, ଛେଡ଼ିବାଡ଼ି, ପରିବାଡ଼ି, ଖଣ୍ଡାଖେଳ ଦର୍ଶକଙ୍କ ମନ ମୋହିଥିଲା। ଏପରିକି କିଶୋରୀମାନେ ମଧ୍ୟ ନିଜ କ୍ରୀଡ଼ା ନୈପୁଣ୍ୟ ଦେଖାଇଥିଲେ। ୧୯୨୫ ମସିହାରେ ତତ୍କାଳୀନ ସ୍ୱାଧୀନତା ସଂଗ୍ରାମୀ ଡ, ହରେକୃଷ୍ଣ ମହତାବ ଏହି ପରମ୍ପରା ସୃଷ୍ଟି କରିଥିଲେ।
