ଓଡ଼ିଶାଲାଇଭ୍ ବ୍ୟୁରୋ
ଆସନ୍ତାକାଲି ରାତି ୯ଟାରୁ ଜୁଲାଇ ୩୧ ତାରିଖ ଯାଏ ଗଞ୍ଜାମ, ଖୋର୍ଦ୍ଧା, କଟକ ଓ ଯାଜପୁର ଜିଲ୍ଲା ସମେତ ରାଉରକେଲା ମହାନଗର ନିଗମ ଲକ୍ଡାଉନ୍। ଏହି ବନ୍ଦ ବେଳେ କ’ଣ ଖୋଲା ରହିବ ଏବଂ କ’ଣ ବନ୍ଦ ରହିବ ସେନେଇ ରାଜ୍ୟ ସରକାର ଗାଇଡ୍ଲାଇନ୍ ଜାରି କରିଛନ୍ତି।
କ’ଣ ଖୋଲା ରହିବ?
- ପ୍ରତିରକ୍ଷା, କେନ୍ଦ୍ରୀୟ ସୁରକ୍ଷା ବଳ, ଟ୍ରେଜେରୀ ଅଫିସ୍।
- ଜରୁରୀ ସେବା ସହ ଜଡ଼ିତ କେନ୍ଦ୍ର ସରକାରଙ୍କ କାର୍ଯ୍ୟାଳୟ।
- ପୋଷ୍ଟ ଅଫିସ୍, ଟେଲିକମ୍ ସେବା, ପାଣିପାଗ ଓ କେନ୍ଦ୍ରୀୟ ସୂଚନା କେନ୍ଦ୍ର।
- ରିଜର୍ଭ ବ୍ୟାଙ୍କ, କଷ୍ଟମ କ୍ଲିୟରାନ୍ସ ଅଫିସ୍, ଏଟିଏମ୍।
- ଜରୁରୀ ସେବା ସହ ଜଡ଼ିତ ରାଜ୍ୟ ସରକାରଙ୍କ କାର୍ଯ୍ୟାଳୟ।
- ବିପର୍ଯ୍ୟୟ ପରିଚାଳନା ଅଫିସ୍, ଜିଲ୍ଲା ଓ ମ୍ୟୁନିସିପାଲିଟି, ପୋଲିସ ଓ ଅଗ୍ନିଶମ।
- ସବୁ ସରକାରୀ ଓ ଘରୋଇ ଡାକ୍ତରଖାନା ଖୋଲା ରହିବ।
- କ୍ଲିନିକ, ନର୍ସିଂହୋମ, ଔଷଧ ଦୋକାନ କଟକଣାମୁକ୍ତ।
- ଆମ୍ବୁଲାନ୍ସ, ଡାକ୍ତର, ପାରାମେଡିକାଲ ଓ ସ୍ୱାସ୍ଥ୍ୟ କର୍ମୀ କଟକଣାମୁକ୍ତ।
- ପରିମଳ, ଜଳଯୋଗାଣ, ସ୍ୱେରେଜ, ବିଦ୍ୟୁତସେବା କାର୍ଯ୍ୟ ଚାଲୁ ରହିବ।
- ଗ୍ରୋସରୀ, ପରିବା, କ୍ଷୀର ଦୋକାନ ସକାଳ ୬ଟାରୁ ଦିନ ୧ଟା ଯାଏଁ ଖୋଲା।
- ଗ୍ରୋସରୀ, ଅଣ୍ଡା, ମାଛ, ମାଂସର ହୋମ୍ଡେଲିଭରି ହୋଇପାରିବ।
- କୃଷି ଓ ମାଛ ଚାଷ କାର୍ଯ୍ୟ ଚାଲୁ ରହିବ।
- ପେଟ୍ରୋଲ ପମ୍ପ ଖୋଲା ରହିବ।
- ଏୟାରପୋର୍ଟ, ରେଳ ଷ୍ଟେସନ ଓ ବସ୍ ଟର୍ମିନାଲ ଖୋଲା ରହିବ।
- ଓଲା, ଉବେର, ଟାକ୍ସି, ବ୍ୟକ୍ତିଗତ ଗାଡ଼ି ଏୟାରପୋର୍ଟ, ରେଳ ଷ୍ଟେସନକୁ ଯାଇପାରିବ।
- ଜାତୀୟ ରାଜପଥରେ ଗାଡ଼ି ଚାଲିପାରିବ। ମାଲ ପରିବହନ ହୋଇପାରିବ।
- ଜୋମାଟୋ, ସ୍ୱିଗି, ଓପୋଲୋଫେଡ୍, ଓମ୍ଫେଡ୍, ଚିଲିକା ଫ୍ରେସ୍ ହୋମଡେଲିଭରି କରିପାରିବେ।
- ଜାତୀୟ ରାଜପଥ କଡ଼ ଢାବା ଖାଦ୍ୟ ପାର୍ସଲ ଦେଇପାରିବେ।
- ସ୍ୱଳ୍ପ କର୍ମଚାରୀରେ ହୋଟେଲ ଖୋଲିବ, ଖାଦ୍ୟ ପାର୍ସଲ ହେବ।
- ପ୍ରିଣ୍ଟ ଓ ଇଲେକ୍ଟ୍ରୋନିକ୍ସ ମିଡିଆ କଟକଣାମୁକ୍ତ। ଜିଲ୍ଲା ଓ କମିସନରେଟ୍ ପୋଲିସ ଅନୁମତି ଦେଇଥିବା ସାମ୍ବାଦିକ ଯିବା ଆସିବା କରିପାରିବେ।
କ’ଣ ବନ୍ଦ ରହିବ?
- ଲୋକଙ୍କ ଯିବା ଆସିବା ବନ୍ଦ ରହିବ।
- ବିନା କାରଣରେ ଘରୁ ବାହାରିଲେ କାର୍ଯ୍ୟାନୁଷ୍ଠାନ।
- ଜରୁରୀ ସେବା ସହ ଜଡ଼ିତ ନଥିବା ସବୁ ଅଫିସ୍ ବନ୍ଦ ରହିବ।
- ଘରୁ ନବାହାରିବାକୁ ଲୋକଙ୍କୁ ଅପିଲ୍।
- କଟକ ଓ ଭୁବନେଶ୍ୱର ସହର ଭିତରକୁ ଲୋକଙ୍କ ଯା’ ଆସ ଉପରେ କଟକଣା।
