ଓଡ଼ିଶାଲାଇଭ୍ ଏଣ୍ଟରଟେନମେଣ୍ଟ ବ୍ୟୁରୋ
ଦେଶବ୍ୟାପି କରୋନା ଆତଙ୍କ ଯୋଗୁଁ ସ୍କୁଲ୍, କଲେଜ ଓ ସିନେମା ହଲ୍ ସବୁଠି ତାଲା ପଡ଼ିଛି। ଏନେଇ ରିଲିଜ୍ ଅପେକ୍ଷାରେ ରହିଛି ବଲିଉଡର ଅନେକ ଫିଲ୍ମ। ତେବେ ଏହା ମଧ୍ୟରେ ଓଟିଟି ପ୍ଲାଟଫର୍ମରେ ରିଲିଜ୍ ହେବାକୁ ଯାଉଛି ବଲିଉଡର କେତେକ ବଡ଼ କଳାକାରଙ୍କ ଫିଲ୍ମ। ନିକଟରେ ସୁଶାନ୍ତ ସିଂଙ୍କ ‘ଦିଲ୍ ବେଚେରା’ ଫିଲ୍ମ ମଧ୍ୟ ରିଲିଜ୍ ହୋଇଛି। ତେବେ ବର୍ତ୍ତମାନ ଅକ୍ଷୟ କୁମାର, ଅଜୟ ଦେବଗନଙ୍କ ଭଳି ବଡ଼ ବଡ଼ କଳାକାରଙ୍କ ଫିଲ୍ମଗୁଡ଼ିକ ମଧ୍ୟ ଏହି ପ୍ଲାଟଫର୍ମରେ ରିଲିଜ୍ ହେବାକୁ ଯାଉଛି।
ଜାଣନ୍ତୁ ରିଲିଜ୍ ହେବାକୁ ଥିବା ଫିଲ୍ମ ଏବଂ ଅଭନୟ କରିଥିବା କଳାକାରଙ୍କ ବିଷୟରେ-
ଳକ୍ଷ୍ମୀ ବମ୍:
ରାଘବ ଲରେନ୍ସଙ୍କ ଦ୍ୱାରା ଡିରେକ୍ଟ ହୋଇଥିବା ଫିଲ୍ମ ‘ଲକ୍ଷ୍ମୀ ବମ୍’ ରେ ନିଜର ଆଶିବେ ଅକ୍ଷୟ କୁମାର ଏବଂ କିଆରା ଆଡଭାନୀ। ଏହା ଏକ ଦରର୍ କମେଡୀ ଫିଲ୍ମ ଯାହା ତାମିଲ୍ ଫିଲ୍ମ ‘ମୁନୀ ୨: କଞ୍ଚନା’ର ହିନ୍ଦୀ ରିମେକ୍।
ସଡ଼କ ୨:
୧୯୯୧ ମସିହାରେ ପୂଜା ଭଟ୍ଟ ଏବଂ ସଂଜୟ ଦତ୍ତଙ୍କ ଅଭିନୀତ ‘ସଡ଼କ’ର ସିକ୍ୱେଲ୍ ହେଉଛି ‘ସଡ଼କ ୨’। ମହେଶ ଭଟ୍ଟଙ୍କ ଦ୍ୱାରା ଡିରେକ୍ଟ ହୋଇଥିବା ଏହି ଫିଲ୍ମରେ ଅବିନୟ କରିଛନ୍ତି ଆଲିଆ ଭଟ୍ଟ, ଆଦିତ୍ୟ ରୟ କପୁର, ପୂଜା ଭଟ୍ଟ ଏବଂ ସଂଜୟ ଦତ୍ତ।
ଭୁଜ୍ : ଦି ପ୍ରାଇଡ୍ ଅଫ୍ ଇଣ୍ଡିଆ:
୧୯୭୭ ମସିହାର ଭାରତ-ପାକିସ୍ତାନ ଯୁଦ୍ଧ ଉପରେ ଆଧାରିତ ଏହି ଫିଲ୍ମରେ ନଜର ଆସିବେ ଅଜୟ ଦେବଗନ, ସୋନାକ୍ଷୀ ସିହ୍ନା ଏଭଂ ସଂଜୟ ଦତ୍ତ। ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ଅଭିଷେଖ ଦୁଧେୟା।
ଦି ବିଗ୍ ବୁଲ୍:
ଷ୍ଟକ୍ ବ୍ରୋକର ହର୍ଷଦ ମେହତାଙ୍କ ଜୀବନୀ କାହାଣୀ ଉପରେ ଆଧାରିତ ଏଙି ଫିଲ୍ମରେ ଅଭିନୟ କରଛନ୍ତି ଅଭିଷେଖ ବଚ୍ଚନ, ନିକିତା ଦତ୍ତ ଏବଂ ଇଲିଆନା ଡିକ୍ରୁଜ୍। ଏହି ଫିଲ୍ମକୁ ଅଜୟ ଦେବଗନ ଏବଂ ଆନନ୍ଦ ପଣ୍ଡିତ ପ୍ରଡ୍ୟୁସ୍ କରିଛନ୍ତି।
ଲୁଟ୍ କେସ:
ଏହା ହେଉଛି କୁନାଲ ଖେମୁଙ୍କ ଦ୍ୱାରା ଅଭିନୀତ ଏକ କମେଡୀ ଡ୍ରାମା ଫିଲ୍ମ। ଏଥିରେ ରସିକା ଦୁଗ୍ଗଲ, ବିଜୟ ରାଜ , ରଣବୀର ସୁରୀ ମଧ୍ୟ ନଜର ଆସିବେ।
ଖୁଦା ହାଫିଜ୍:
ଏହା ହେଉଛି ସତ ଘଟଣା ଉପରେ ଆଧାରିତ ଏକ ରୋମାଣ୍ଟିକ ଥ୍ରୀଲର୍ ପିଲ୍ମ। ଏଥିରେ ଅଭିନୟ କରିଛନ୍ତି ବିଦ୍ୟୁତ୍ ଜାମଓ୍ୱାଲ୍ ଏବଂ ଶିବାଲିକା ଓବରୟ। ଏହାର ନିର୍ଦ୍ଦେଶନା ଦେଇଛନ୍ତି ଫାରୁକ କବୀର।
