ଓଡ଼ିଶାଲାଇଭ୍ ବ୍ୟୁରୋ
ରାଜଧାନୀରୁ ଆଜି ଚିହ୍ନଟ ହୋଇଛନ୍ତି ୩୫୪ ନୂଆ କରୋନା ପଜିଟିଭ୍ କେସ୍। ଏଥିସହିତ ସହରର ମୋଟ ସଂକ୍ରମିତଙ୍କ ସଂଖ୍ୟା ୯ ହଜାର ଡେଇଁଛି। ଏନେଇ ବିଏମସି ତରଫରୁ ଟୁଇଟ୍ କରି ସୂଚନା ଦିଆଯାଇଛି।
Update on newly detected & cured #COVID19 cases in the last 24 hrs under the BMC area on 28th Aug 2020(till 9am).
Further contact tracing is still continuing.
Primary contacts & nearby houses are being quarantined, sanitised & will be under active surveillance. pic.twitter.com/ItbiIl5lqe— BMC (@bmcbbsr) August 28, 2020
ଆଜି ଚିହ୍ନଟ ହୋଇଥିବା ପଜିଟିଭଙ୍କ ମଧ୍ୟରୁ ୧୫୨ ଜଣ କ୍ୱାରେଣ୍ଟାଇନ ସେଣ୍ଟରରୁ ଓ ବାକି ୨୦୨ ଲୋକାଲ୍ କେସ୍ ବୋଲି ବିଏମସି ସୂଚନା ଦେଇଛି। ଅନ୍ୟପଟେ ଆଜି ଭୁବନେଶ୍ୱରର ୨୯୫ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି।
ଭୁବନେଶ୍ୱରର ବେହେରା ସାହି, ସପ୍ତମ ବାଟାଲିୟନ ପୋଲିସ ଫୋର୍ସ,ଜାଗମରା ଆଦି ଅଞ୍ଚଳରୁ ସଂଖ୍ୟାଧିକ ପଜିଟିଭ୍ ଚିହ୍ନଟ ହୋଇଛନ୍ତି। ଯାହାକି ବର୍ତ୍ତମାନ ବିଏମସି ପାଇଁ ଚିନ୍ତା ବଢ଼ାଇଛି।
ଏହାକୁ ମିଶାଇ ରାଜଧାନୀର ମୋଟ ସଂକ୍ରମିତଙ୍କ ସଂଖ୍ୟା ୯୦୦୧କୁ ବୃଦ୍ଧି ପାଇଛି। ସେଥିମଧ୍ୟରୁ ୫୪୧୯ ସୁସ୍ଥ ହୋଇଥିବାବେଳେ ୩୫୩୫ ଏବେ ବି ସକ୍ରିୟ ଅଛନ୍ତି।
