ଓଡ଼ିଶାଲାଇଭ୍ ବ୍ୟୁରୋ
ଆଜିଠାରୁ ଆରମ୍ଭ ହୋଇଛି ଓଡ଼ିଶା କଂଗ୍ରେସର ନୂଆ ସଭାପତିଙ୍କ ଚୟନ ପ୍ରକ୍ରିୟା। ପିସିସି ସଭାପତି ଚୟନ ପାଇଁ ଓଡ଼ିଶାରେ ପହଞ୍ଚିଛନ୍ତି ବରିଷ୍ଠ କଂଗ୍ରେସ ନେତା ତଥା ଛତିଶଗଡ଼ର ବିରୋଧୀ ଦଳ ନେତା ଚରଣଦାସ ମହନ୍ତ। ଏହାସହ ଦଳର ବରିଷ୍ଠ ନେତ୍ରୀ ମୀନାକ୍ଷୀ ନଟରାଜନ ମଧ୍ୟ ଓଡ଼ିଶା ଆସିଛନ୍ତି।
ଏହି ଦୁଇ ନେତା ରାଜ୍ୟ କଂଗ୍ରେସର ସଦସ୍ୟଙ୍କ ସହ ଆଲୋଚନା କରି ଏଆଇସିସିକୁ ରିପୋର୍ଟ ଦେବେ। ଏନେଇ ସୋମବାର ରାଜ୍ୟ କଂଗ୍ରେସ ଭବନରେ ସେମାନେ ବୈଠକ କରିବେ। ସେମୋବାର ରାତି ୧୦ଟା ଯାଏଁ ଏହି ବୈଠକ ଚାଲିବ।
ସେମାନେ ପ୍ରଥମେ କଂଗ୍ରେସ ଷ୍ଟିଅରିଂ କମିଟି ସହ ଆଲୋଚନା କରିବେ। ଏହାପରେ ବିଧାୟକ ଓ ସାଂସଦଙ୍କୁ ଭେଟି ମତାମତ ନେବେ। ସେହିପରି ଜିଲ୍ଲା ସଭାପତି ଓ ଦଳର ବିଭିନ୍ନ ସଙ୍ଗଠନର ନେତାଙ୍କ ସହ ମଧ୍ୟ ବୈଠକ ହେବ।
ପିସିସି ସଭାପତି ଦୌଡରେ ଦଳର ଅନେକ ବରିଷ୍ଠ ନେତାଙ୍କ ନାଁ ଆଗରେ ରହିଛି। ତେବେ କିଏ ରାଜ୍ୟରେ ଦଳର ମଙ୍ଗ ଧରିବେ ତାହା ଉପରେ ସମସ୍ତଙ୍କ ନଜର ରହିଛି।
Tags: #Congress #OPCCPresident #AICC #Politics #Odisha
