ଓଡ଼ିଶାଲାଇଭ୍ ବ୍ୟୁରୋ

ଭୁବନେଶ୍ଵରରେ ଆସନ୍ତାକାଲି, ବୁଧବାରଠାରୁ ଆରମ୍ଭ ହେବାକୁ ଯାଉଛି ତିନିଦିନିଆ ପ୍ରବାସୀ ଭାରତୀୟ ଦିବସ ୨୦୨୫। ଏହି କାର୍ଯ୍ୟକ୍ରମରେ ଯୋଗ ଦେବା ଲାଗି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜାନୁଆରି ୮ରୁ ୧୦ ତାରିଖ ଓଡ଼ିଶା ଗସ୍ତରେ ଆସୁଛନ୍ତି।

ତିନିଦିନିଆ ପ୍ରଭାସୀ ଭାରତୀୟ ଦିବସ ପାଳନ ଅବସରରେ ଭିଆଇପି ଏବଂ ଭିଭିଆଇପିମାନଙ୍କ ସୁରକ୍ଷା ଓ ଜନସାଧାରଣଙ୍କ ଗମନାଗମନର ସୁବିଧା ନିମସ୍ତେ କମିଶନରେଟ ପୋଲିସ ପକ୍ଷରୁ ଭୁବନେଶ୍ଵର ପାଇଁ ଟ୍ରାଫିକ କଟକଣା ଜରି କରାଯାଇଛି।

ଜାଣନ୍ତୁ କେଉଁ ବାଟ ଦେଇ ଯାଇହେବନି?

ଜାନୁଆରି ୮ ତାରିଖ ସନ୍ଧ୍ୟା ୭ଟା ୫୦ ମିନିଟରୁ ସନ୍ଧ୍ୟା ୮ଟା ୨୦ ମିନିଟ ମଧ୍ୟରେ ଏୟାରପୋର୍ଟ ଛକ, ହସ୍ପିଟାଲ ଛକ, ଏଜି ଛକ ଏବଂ ରାଜଭବନ ଛକ ଦେଇ କୌଣସି ଯାନବାହନ ଚଳାଚଳ କରିବ ନାହିଁ। ଏହି ଛକଗୁଡ଼ିକୁ ସଂଯୋଗ କରୁଥିବା ଗଳି ରାସ୍ତାରୁ ଏହି ରାସ୍ତା ଦେଇ କୌଣସି ଯାନବାହନ ଚଳାଚଳ ପାଇଁ ଅନୁମତି ନାହିଁ।

ସେହିପରି ଡିସେମ୍ବର ୯ ତାରିଖ ସକାଳ ୯ଟା ୩୦ରୁ ୧୦ଟା ମଧ୍ୟରେ ରାଜଭବନ ଛକ, ପାଓ୍ଵାର ହାଉସ ଛକ, ୧୨୦ ବାଟାଲିୟନ ଛକ, ଶାସ୍ତ୍ରୀ ନଗର ଛକ, ବେହେରା ସାହି ଛକ, ଜୟଦେବ ବିହାର ଛକ, ଜାଭିୟର ଛକ ଓ ନାଲକୋ ଛକ ଦେଇ କୌଣସି ଯାନବାହନ ଚଳାଚଳ କରିପାରି ନାହିଁ।

ସକାଳ ୧୧ଟା ୨୦ରୁ ମଧ୍ୟାହ୍ନ ୧୨ଟା ମଧ୍ୟରେ ନାଲକୋ ଛକ, ଜାଭିୟର ଛକ, ଜୟଦେବ ବିହାର ଛକ, ବେହେରା ସାହି ଛକ, ଶାସ୍ତ୍ରୀନଗର ଛକ, ୧୨୦ ବାଟାଲିୟନ ଛକ, ପାଓ୍ଵାର ହାଉସ ଛକ, ରାଜଭବନ ଛକ, ବାମ ମୋଡ଼ ଏଜି ଛକ, ଡହାଣ ମୋଡ, ୬ ନମ୍ବର ହସ୍ପିଟାଲ ଛକ ଏବଂ ଏୟାରପୋର୍ଟ ଛକ ଦେଇ କୌଣସି ଯାନବାହନ ଚଳାଚଳ ବନ୍ଦ ରହିବ।

ଏହା ସହ ଅପରାହ୍ଣ ୪ଟା ୨୦ରୁ ସ୪ଟା ୫୦ ମଧ୍ୟରେ ଏୟାରପୋର୍ଟ ଛକ, ୬ ନମ୍ବର ହସ୍ପିଟାଲ ଛକ, ୧୨୦ ବାଟାଲିୟନ ଛକ, ଶାସ୍ତ୍ରୀ ନଗର ଛକ, ବେହେରା ସାହି ଛକ, ଜୟଦେବ ବିହାର ଛକ, ଜାଭିୟର ଛକ ଓ ନାଲକୋ ଛକ ଦେଇ କୌଣସି ଯାନ ବାହାନ ଚଳାଚଳ କରିବ ନାହିଁ।

ସେହିପରି ଡିସେମ୍ବର ୧୦ ତାରିଖ ସକାଳ ୧୧ଟା ୨୦ରୁ ୧୧ଟା ୫୦ ମଧ୍ୟରେ ରାଜଭବନ ଛକ, ପାଓ୍ଵାର ହାଉସ ଛକ, ୧୨୦ ବାଟାଲିୟନ ଛକ, ଶାସ୍ତ୍ରୀ ନଗର ଛକ, ବେହେରା ସାହି ଛକ, ଜୟଦେବ ବିହାର ଛକ, ଜାଭିୟର ଛକ ଓ ନାଲକୋ ଛକ ଦେଇ ଯାନ ବାହନ ଚଳାଚଳ ବନ୍ଦ ରହିବ।

ଅପରାହ୍ଣ ୪ଟା ୫୦ରୁ ସନ୍ଧ୍ୟା ୫ଟା ୨୫ ମଧ୍ୟରେ ନାଲକୋ ଛକ, ଜାଭିୟର ଛକ, ଜୟଦେବ ବିହାର ଛକ, ବେହେରା ସାହି ଛକ, ଶାସ୍ତ୍ରୀ ନଗର ଛକ, ୧୨୦ ବାଟାଲିୟନ ଛକ, ପାଓ୍ଵାର ହାଉସ ଛକ, ରାଜଭବନ ଛକ, ବାମ ମୋଡ଼, ଏଜି ଛକ ଡାହାଣ ମୋଡ଼, ୬ ନମ୍ବର ହସ୍ପିଟାଲ ଛକ ଏବଂ ଏୟାରପୋର୍ଟ ଛକ ଦେଇ କୌଣସି ଯାନ ବାହନ ଚଳାଚଳ କରିବ ନାହଁ। ଅନ୍ୟ ରାସ୍ତା ଦେଇ ଯାତ୍ରୀମାନେ ନିଜ ଗନ୍ତବ୍ୟସ୍ଥଳକୁ ଯିବା ପାଇଁ କମିଶନରେଟ ପୋଲିସ ପକ୍ଷରୁ ଅନୁରୋଧ କରାଯାଇଛି।

ତେବେ କଟକଣାଗୁଡ଼ିକ ଜରୁରୀକାଳୀନ ସେବା ଯେମିତିକି ଅଗ୍ନିଶମ ଗାଡ଼ି ଏବଂ ଆମ୍ବୁଲାନ୍ସ ଚଳାଚଳ ଉପରେ ଲାଗୁ ହେବ ନାହିଁ।

Tags: #TrafficAdvisory #PravasiBharatiyaDivas2025 #Bhubaneswar #CommissioneratePolice #Odisha

LEAVE A REPLY

Please enter your comment!
Please enter your name here