ଓଡ଼ିଶାଲାଇଭ୍ ବ୍ୟୁରୋ
ଓଡ଼ିଆ ସିନେମା ଜଗତର ପ୍ରତିଷ୍ଠିତ ନାଁ ପ୍ରଶାନ୍ତ ନନ୍ଦ। ‘ଶେଷ ଶ୍ରାବଣ’, ‘ସ୍ୱପ୍ନ ସାଗର’, ‘ଡୋରା’ ଭଳି ଅନେକ ସୁପରହିଟ୍ ଓଡ଼ିଆ ସିନେମା ସେ ଦର୍ଶକଙ୍କୁ ଭେଟି ଦେଇଛନ୍ତି। ଅଭିନେତା, ନିର୍ଦ୍ଦେଶକ, ପ୍ରଯୋଜକ ଏବଂ ଜଣେ ଲେଖକ ଭାବେ ପ୍ରଶାନ୍ତ ନନ୍ଦଙ୍କର ସ୍ୱତନ୍ତ୍ର ପରିଚୟ ରହିଛି।
ଓଡ଼ିଆ ଚଳଚ୍ଚିତ୍ର ‘ଦସ୍ୟୁ ରତ୍ନାକର’ରୁ ଶିଶୁ କଳାକାର ଭାବେ ନିଜ ଅଭିନୟ କ୍ୟାରିୟର ଆରମ୍ଭ କରିଥିଲେ ପ୍ରଶାନ୍ତ ନନ୍ଦ। ଏହା ପୂର୍ବରୁ ମଞ୍ଚରେ ଶିଶୁକଳାକାର ଭାବେ ତାଙ୍କ ଅଭିନୟ ଦକ୍ଷତା ଅନେକ ବାରି ସାରିଥିଲେ।
ବାପାଙ୍କ ବାରଣ ଥିଲେ ମଧ୍ୟ ଅଭିନୟ ନିଶା ତାଙ୍କ ଗୋଡ଼ରେ ବେଡ଼ି ପକାଇ ପାରିନଥିଲା। ଗୋଟିଏ ପରେ ଗୋଟିଏ ସିନେମାରେ ନିଜ ଅଭିନୟ ଦକ୍ଷତା ପ୍ରତିପାଦନ କରି ଚାଲିଲେ ପ୍ରଶାନ୍ତ ନନ୍ଦ। କେବଳ ଅଭିନୟରେ ସୀମିତ ହୋଇ ରହିବାକୁ ଚାହିଁଲେ ନାହିଁ ସେ। ନିର୍ଦ୍ଦେଶନା ଏବଂ ପ୍ରୟୋଜନା କ୍ଷେତ୍ରରେ ଭଗ୍ୟ ପରୀକ୍ଷା କଲେ ଏବଂ ସଫଳ ମଧ୍ୟ ହେଲେ।
ପ୍ରଶାନ୍ତ ନନ୍ଦ କେବଳ ଓଡ଼ିଆ ସିନେମା ଜଗତରେ ସୀମିତ ହୋଇ ରହିନାହାନ୍ତି। ସେ ହିନ୍ଦୀ ଏବଂ ବଙ୍ଗଳା ସିନେମାରେ ମଧ୍ୟ ଅଭିନୟ କରିଛନ୍ତି। ଓଡ଼ିଶା ରାଜନୀତିରେ ମଧ୍ୟ ପ୍ରଶାନ୍ତ ନନ୍ଦଙ୍କର ରହିଛି ସ୍ୱତନ୍ତ୍ର ପରିଚୟ। ଲେଖକ ଭାବରେ ମଧ୍ୟ ପାଠକଙ୍କଠାରୁ ଅଜସ୍ର ଭଲପାଇବା ପାଇଛନ୍ତି ସେ।
ଓଡ଼ିଆ ସିନେମା ଜଗତର ଅତି ଲୋକପ୍ରିୟ ଫିଲ୍ମ ‘ଶେଷ ଶ୍ରାବଣ’। ଏହି ଓଡ଼ିଆ ଚଳଚ୍ଚିତ୍ରରୁ ହିନ୍ଦୀ ସିନେମା ‘ନୟା’ ନିର୍ମାଣ ହୋଇଥିଲା। ଏଥିରେ ପ୍ରଶାନ୍ତ ନନ୍ଦ ଅଭିନୟ କରିବା ସହିତ ନିର୍ଦ୍ଦେଶନା ମଧ୍ୟ ଦେଇଥିଲେ। ବରିଷ୍ଠ ଅଭିନେତା ଅମରୀଶ ପୁରୀ ଏବଂ ଅଭିନେତ୍ରୀ ଜରିନା ୱାହବ ମଧ୍ୟ ଏହି ସିନେମାରେ ଅଭିନୟ କରିଥିଲେ।
‘‘ମୁଁ ଶିଶୁ କଳାକାର ଭାବେ ସିନେମାରେ କ୍ୟାରିୟର ଆରମ୍ଭ କରିଥିଲି। ‘ଦସ୍ୟୁ ରତ୍ନାକାର’ ଥିଲା ମୋର ପ୍ରଥମ ଫିଲ୍ମ। ପ୍ରଭାତ ମୁଖାର୍ଜୀ ଏହି ଫିଲ୍ମର ନିର୍ଦ୍ଦେଶକ ଥିଲେ। ଗୋଟେ ସିନରେ ମତେ ଆମ୍ବ ଗଛରେ ଚଢ଼େଇ ଦେଇ ପିଜୁଳି ତୋଳିବାକୁ କୁହାଯାଇଥିଲା। ଫିଲ୍ମରେ କ’ଣ ଏସବୁ ସମ୍ଭବ? ସେତବେଳେ ଏଇ କଥା ମତେ ଆଶ୍ଚର୍ଯ୍ୟ କରିଥିଲା। ସେ ସ୍ମୃତିକୁ ଆଜି ବି ମୁଁ ଭୁଲି ପାରିନି‘‘, ପୁରୁଣା ଦିନକୁ ମନେ ପକାଇ ଏଭଳି କହିଛନ୍ତି ପ୍ରଶାନ୍ତ ନନ୍ଦ।
‘ଦସ୍ୟୁ ରତ୍ନାକାର’ ଥିଲା ପ୍ରଶାନ୍ତ ନନ୍ଦଙ୍କ ପ୍ରଥମ ସିନେମା। ପ୍ରଭାତ ମୁଖାର୍ଜୀ ଏହି ଫିଲ୍ମର ନିର୍ଦ୍ଦେଶକ ଥିଲେ। ଗୋଟେ ସିନରେ ପ୍ରଶାନ୍ତ ନନ୍ଦଙ୍କୁ ଆମ୍ବ ଗଛରେ ଚଢ଼େଇ ଦେଇ ପିଜୁଳି ତୋଳିବାକୁ କୁହାଯାଇଥିଲା। ଫିଲ୍ମରେ କ’ଣ ଏସବୁ ସମ୍ଭବ? ସେତେବେଳେ ଏଇ କଥା ପ୍ରଶାନ୍ତ ନନ୍ଦଙ୍କୁ ଆଶ୍ଚର୍ଯ୍ୟ କରିଥିଲା।
ଓଡ଼ିଶାଲାଇଭ୍ର ସ୍ଵତନ୍ତ୍ର ସାକ୍ଷାତକାରରେ ଏମିତି ଅନେକ ଅନୁଭୂତି ବଣ୍ଟିଛନ୍ତି ପ୍ରଶାନ୍ତ ନନ୍ଦ। ଦେଖନ୍ତୁ ଭିଡିଓ।
Tags: #PrashantaNanda #OdiaCinema #Actor #Director #Politician #Ketekatha
