ଓଡ଼ିଶାଲାଇଭ୍ ଏଣ୍ଟରଟେନମେଣ୍ଟ ବ୍ୟୁରୋ
ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ପ୍ରଂଶସକଙ୍କ ମଧ୍ୟରେ ତାଙ୍କର କ୍ରେଜ ବଢ଼ିଛି। ତାଙ୍କର କୌଣସି ଭିଡିଓ ଓ ଫଟୋକୁ ମିସ୍ କରିବାକୁ ଚାହୁଁନାହନ୍ତି ଦର୍ଶକ। ଏହି ସମୟରେ ଛୋଟ ପରଦାର ପ୍ରସିଦ୍ଧ ନିର୍ମାତା-ନିର୍ଦ୍ଦେଶିକା ଏକତା କପୁର ସୁଶାନ୍ତଙ୍କର ଏକ ସ୍ପେଶାଲ ଭିଡିଓ ସୋସିଆଲ ମିଡିଆରେ ସେୟାର କରିଛନ୍ତି। ଏହି ଭିଡିଓ ସୁଶାନ୍ତଙ୍କ ପ୍ରଥମ ଟିଭି ସିରିଏଲର ଏଣ୍ଟ୍ରି ସିନ।
‘ଏକତା କପୁରଙ୍କ ଟିଭି ସିରିଏଲ କିସ୍ ଦେଶ ମେ ହୈ ଦିଲ୍ ମେରା’ ଦିଲଙ୍କ ସହ ସୁଶାନ୍ତ ସିଂ ରାଜପୁତ ଅଭିନୟ ଆରମ୍ଭ କରିଥିଲେ। ଏହି ସିରିଏଲରେ ସୁଶାନ୍ତଙ୍କର ଏଣ୍ଟ୍ରି ଜବରଦସ୍ତ ଥିଲା।
ଏକତା କପୁର ସେୟାର କରିଥିବା ଏହି ଭିଡିଓ ଦର୍ଶକ ଖୁବ୍ ପସନ୍ଦ କରିଛନ୍ତି। ଏହି ଭିଡିଓକୁ ସେୟାର କରି ଏକତା ଲେଖିଛନ୍ତି, ‘‘ଅନେକ ଲୋକ ମୋତେ ସୁଶାନ୍ତ ସିଂ ରାଜପୁତଙ୍କ ପ୍ରଥମ ଦୃଶ୍ୟ ବିଷୟରେ ବାରମ୍ବାର ପଚାରୁଥିଲେ। ଏହା ତାଙ୍କର ପ୍ରଥମ ସିନ୍ ଯାହାକୁ ଆମେ ତାଙ୍କ ସହିତ ସୁଟ୍ କରିଥିଲୁ’’।
