ନେହରୁଙ୍କ ରେକର୍ଡର ସମକକ୍ଷ ହେଲେ ମୋଦୀ: ଦ୍ଵିତୀୟ ପ୍ରଧାନମନ୍ତ୍ରୀ ଭାବେ ମାରିଲେ ହାଟ୍ରିକ୍

ଓଡ଼ିଶାଲାଇଭ୍ ବ୍ୟୁରୋ

କ୍ରମାଗତ ତୃତୀୟଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ନେଇ ନୂଆ ଇନିଂସ୍ ଆରମ୍ଭ କରିଛନ୍ତି ନରେନ୍ଦ୍ର ମୋଦୀ। ଭାରତୀୟ ଗଣତନ୍ତ୍ରର ୭୫ ବର୍ଷର ଇତିହାସରେ ସେ ଦ୍ଵିତୀୟ ପ୍ରଧାନମନ୍ତ୍ରୀ ଭାବେ ଏହି କାରନାମା କରି ଦେଖାଇଛନ୍ତି। ଲଗାତାର ତୃତୀୟ ଥର ପ୍ରଧାନମନ୍ତ୍ରୀ ହେବା କ୍ରମରେ ସେ ଦେଶର ପୂର୍ବତନ ପ୍ରଧାନମନ୍ତ୍ରୀ ଜବାହରଲାଲ ନେହରୁଙ୍କ ରେକର୍ଡର ସମକକ୍ଷ ହୋଇଛନ୍ତି।

ଜବାହରଲାଲ ନେହରୁ ଭାରତର ପ୍ରଥମ ପ୍ରଧାନମନ୍ତ୍ରୀ ଥିଲେ। ସେ ୧୫ ଅଗଷ୍ଟ ୧୯୪୭ ମସିହାରେ ଭାରତ ସ୍ଵାଧୀନତା ହାସଲ କରିବା ସମୟରୁ ହିଁ ଭାରତର ପ୍ରଧାନମନ୍ତ୍ରୀ ହୋଇଥିଲେ। ଏହାପରେ ତାଙ୍କ ନେତୃତ୍ୱରେ ୧୯୫୧ ମସିହାରେ ଭାରତରେ ହୋଇଥିବା ପ୍ରଥମ ଲୋକସଭା ନିର୍ବାଚନରେ କଂଗ୍ରେସ ବିଜୟୀ ହୋଇଥିଲା।

ଏହାପରେ ୧୯୫୭ ଓ ୧୯୬୪ ମସିହାରେ ମଧ୍ୟ ନିର୍ବାଚନ ଜିତି ଦ୍ଵିତୀୟ ଓ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ହୋଇଥିଲେ ଜବାହରଲାଲ ନେହରୁ। ଭାରତର ପ୍ରଧାନମନ୍ତ୍ରୀ ଭାବେ ତାଙ୍କ କାର୍ଯ୍ୟକାଳ ସର୍ବାଧିକ ୧୬ ବର୍ଷ ୨୮୬ ଦିନର ରହିଥିଲା।      

ତେବେ ନରେନ୍ଦ୍ର ମୋଦୀ ୨୦୧୪ ମସିହାରେ ଲୋକସଭା ନିର୍ବାଚନ ଜିତି ପ୍ରଥମଥର ପାଇଁ ପ୍ରଧାନମନ୍ତ୍ରୀ ହୋଇଥିଲେ। ଏହାପରେ ୨୦୧୯ରେ ସେ ପ୍ରଧାନମନ୍ତ୍ରୀ ଭାବେ ନିଜର ଦ୍ଵିତୀୟ ପାଳି ଆରମ୍ଭ କରିଥିବାବେଳେ ଏବେ ୨୦୨୪ରେ ସେ ପୁଣିଥରେ ପ୍ରଧାନମନ୍ତ୍ରୀ ହୋଇଛନ୍ତି।

ଅନ୍ୟପଟେ ଜବାହରଲାଲ ନେହରୁ ଓ ଇନ୍ଦିରା ଗାନ୍ଧୀଙ୍କ ପରେ ନରେନ୍ଦ୍ର ମୋଦୀ ତୃତୀୟ ସର୍ବାଧିକ ଅବଧି ପାଇଁ ଭାରତର ପ୍ରଧାନମନ୍ତ୍ରୀ ହୋଇଛନ୍ତି।  

ଜାଣନ୍ତୁ ଭାରତର କେଉଁ ପ୍ରଧାନମନ୍ତ୍ରୀଙ୍କ କାର୍ଯ୍ୟକାଳ କେତେ ରହିଛି?

Tags: #NarendraModi #PrimeMinister #JawaharlalNehru #Politics #India