ଓଡ଼ିଶାଲାଇଭ୍ ବ୍ୟୁରୋ
(ବାଲେଶ୍ଵରରୁ କୃଷ୍ଣ କୁମାର ମହାନ୍ତି): ବାଲେଶ୍ଵରସ୍ଥିତ ଫକୀର ମୋହନ ବିଶ୍ଵବିଦ୍ୟାଳୟ ପରିସରରେ ସ୍ୱାଧୀନତା ସଂଗ୍ରାମୀ ଡକ୍ଟର ରବୀନ୍ଦ୍ର ମୋହନ ଦାସଙ୍କ ୧୧୪ତମ ଜୟନ୍ତୀ ପାଳିତ ହୋଇଯାଇଛି।
ଫକୀର ମୋହନ ବିଶ୍ଵବିଦ୍ୟାଳୟ ଓ ରବୀନ୍ଦ୍ର ମୋହନ ଫାଉଣ୍ଡେସନ୍ ଟ୍ରଷ୍ଟ ମିଳିତ ଆନୁକୂଲ୍ୟରେ ଅନୁଷ୍ଠିତ ଏହି ଜୟନ୍ତୀ ଉତ୍ସବରେ ବିଶ୍ଵବିଦ୍ୟାଳୟ କୁଳପତି ପ୍ରଫେସର ଡକ୍ଟର ସନ୍ତୋଷ କୁମାର ତ୍ରିପାଠୀ ପୌରୋହିତ୍ୟ କରିଥିଲେ।
ସାମାଜିକ କର୍ମୀ ଡକ୍ଟର କ୍ରିଷ୍ଣା ମହାନ୍ତି ଡକ୍ଟର ରବୀନ୍ଦ୍ର ମୋହନ ଦାସଙ୍କ ଫଟୋଚିତ୍ରରେ ପୁଷ୍ପମାଲ୍ୟାର୍ପଣ ପୂର୍ବକ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ଡକ୍ଟର କ୍ରିଷ୍ଣା ମହାନ୍ତି ସ୍ୱାଧୀନତା ସଂଗ୍ରାମୀ ଡକ୍ଟର ରବୀନ୍ଦ୍ର ମୋହନ ଦାସଙ୍କ କର୍ମପ୍ରବଣତା ଏବଂ ସ୍ୱପ୍ନ ସମ୍ପର୍କରେ ଆଲୋକପାତ କରି ଫକୀର ମୋହନ ବିଶ୍ଵବିଦ୍ୟାଳୟ ଡକ୍ଟର ରବୀନ୍ଦ୍ର ମୋହନଙ୍କ ସ୍ୱପ୍ନର ସଫଳ ରୂପାୟନ ବୋଲି ମତ ପ୍ରକାଶ କରିଥିଲେ।
ସେହିପରି ବଙ୍ଗଳା ସାହିତ୍ୟର ବିଶିଷ୍ଟ ଲେଖିକା ପ୍ରାଧ୍ୟାପିକା ଡକ୍ଟର ମନ୍ଦାର ମୁଖାର୍ଜୀ ନିଜ ପରିବାରର ଡାକ୍ଟର ରବୀନ୍ଦ୍ର ମୋହନ ଦାସଙ୍କ ପରିବାର ସହ ଘନିଷ୍ଠ ସମ୍ପର୍କ ଥିବା କହିଥିଲେ। ଦୀନକୃଷ୍ଣ ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ଡକ୍ଟର ଶ୍ରୀକାନ୍ତ ଚରଣ ପାତ୍ର, ଡକ୍ଟର ବିଶ୍ୱଜିତ ଏବଂ ମିହିର କୁମାର ଦାସ ପ୍ରମୁଖ ଭାରତର ସ୍ଵାଧୀନତା ଆନ୍ଦୋଳନରେ ଡକ୍ଟର ରବୀନ୍ଦ୍ର ମୋହନ ଦାସଙ୍କ ସାହସିକତା ସମ୍ପର୍କରେ ବର୍ଣ୍ଣନା କରିଥିଲେ।
ସ୍ୱର୍ଗତ ରବୀନ୍ଦ୍ର ମୋହନ ଦାସଙ୍କ ଜ୍ୟେଷ୍ଠକନ୍ୟା କବି ଯଶୋଧାରା ଦାସ ସ୍ଵାଗତ ଭାଷଣ ରଖିଥିବା ବେଳେ କବି ଶ୍ରୀଦେବ ଜୟନ୍ତୀ ସମାବେଶ କାର୍ଯ୍ୟକ୍ରମ ପରିଚାଳନା କରିତିଲେ। ପ୍ରାରମ୍ଭରେ କଲ୍ୟାଣୀ ନନ୍ଦ ଓ ସାଥୀମାନେ ସ୍ଵାଗତ ସ୍ମୃତି ସଙ୍ଗୀତ ପରିବେଷଣ କରିଥିଲେ। ଶେଷରେ ସ୍ମୃତି ଦାସ ଧନ୍ୟବାଦ ଅର୍ପଣ କରିଥିଲେ।
Tags: #DrRabindraMohanDas #BirthAnniversary #Balasore #Freedomfighter #FMUniversity
