ଓଡ଼ିଶାଲାଇଭ୍ ବ୍ୟୁରୋ
ଭୁବନେଶ୍ୱରସ୍ଥିତ ଜନତା ମଇଦାନଠାରେ ଆସନ୍ତାକାଲି, ଶନିବାର ଦିନଠାରୁ ଆରମ୍ଭ ହେବାକୁ ଯାଉଛି ୯ ଦିନିଆ ସୁଭଦ୍ରା ଶକ୍ତି ମେଳା। ମହିଳାମାନଙ୍କୁ ପ୍ରୋତ୍ସାହିତ କରିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ଜନତା ମଇଦାନଠାରେ ଏହି ମେଳାର ଆୟୋଜନ କରାଯାଉଛି। ଏନେଇ ଶୁକ୍ରବାର ଦିନ ସୂଚନା ଦେଇଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା।
ଉପମୁଖ୍ୟମନ୍ତ୍ରୀଙ୍କ ସୂଚନା ଅନୁସାରେ ସୁଭଦ୍ରା ଶକ୍ତି ମେଳା ଫେବ୍ରୁଆରି ୨୨ ତାରିଖରୁ ଆରମ୍ଭ ହୋଇ ଆସନ୍ତା ମାର୍ଚ୍ଚ ୨ ତାରିଖ ଯାଏଁ ଚାଲିବ।
ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା କହିଛନ୍ତି, “ସୁଭଦ୍ରା ଶକ୍ତି ମେଳା ସୁଭଦ୍ରା ଯୋଜନା ଆଧାରିତ ନୁହେଁ। ଲକ୍ଷପତି ଦିଦି ସୃଷ୍ଟି କରିବା ପାଇଁ ସ୍ଵୟଂ ସହାୟିକା ଗୋଷ୍ଠୀ ମହିଳାମାନଙ୍କୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ଏହି ମେଳାର ଆୟୋଜିନ କରାଯାଉଛି। ଏଥିରେ ରାଜ୍ୟବ୍ୟାପୀ ଏସଏଚଜି ମହିଳା ସାମିଲ୍ ହେବେ। ଏସଏଚଜି ମହିଳାମାନଙ୍କୁ ବିଶ୍ଵସ୍ତରୀୟ ବଜାର ମିଳିପାରୁ ନଥିବାରୁ, ସେମାନଙ୍କ ପାଇଁ ଏଭଳି ଏକ ପ୍ରଦର୍ଶନୀର ଆୟୋଜନ କରିଛନ୍ତି ବିଜେପି ସରକାର।”
ଏହି ମୋଳା ମିଶନ ଶକ୍ତି ମହିଳାମାନଙ୍କ ପାଇଁ ଗୋଟିଏ ଉତ୍ତମ ପ୍ଲାଟଫର୍ମ ହେବ। ମେଳାରେ ପ୍ରାୟ ୩୦୦ରୁ ଅଧିକ ଷ୍ଟଲର ବ୍ୟବସ୍ଥା ରହିଛି। ସୁଭଦ୍ରା ଯୋଜନା ଟଙ୍କା ବିନିଯୋଗରେ ଯେଉଁ ମହିଳାମାନେ ବ୍ୟବସାୟ ଆରମ୍ଭ କରିଥିଲେ ସେମାନଙ୍କ ପାଇଁ ମେଳାରେ ସ୍ଵତନ୍ତ୍ର ଷ୍ଟଲ ରହିବ ବୋଲି ଉପମୁଖ୍ୟମନ୍ତ୍ରୀ କହିଛନ୍ତି।
Tags: #SubhadraShaktiFair #PravatiParida #SHGWomen #JanataMaidan #Bhubaneswar #Odisha
