ପିଜି ନାମଲେଖା ପାଇଁ ମାର୍ଚ୍ଚ ୧୩ରୁ ଏନଟିଏ-ସିୟୁଇଟି ପରୀକ୍ଷା

ଓଡ଼ିଶାଲାଇଭ୍ ବ୍ୟୁରୋ

ଭାରତରେ ସ୍ନାତକୋତ୍ତର (ପିଜି) ନାମଲେଖା ପାଇଁ ମାର୍ଚ୍ଚ ୧୩ରୁ ଏକକ ବିଶ୍ୱବିଦ୍ୟାଳୟ ପ୍ରବେଶିକା ପରୀକ୍ଷା (ସିୟୁଇଟି) ଆରମ୍ଭ ହେବ। ୧୫୭ ବିଷୟରେ ଏହି ପରୀକ୍ଷା ଅନୁଷ୍ଠିତ ହେବ। ଏପ୍ରିଲ୍‌ ୧ ଯାଏଁ ଏହି ପରୀକ୍ଷା ଚାଲିବ। ଏନେଇ ଗୁରୁବାର ନ୍ୟାସନାଲ ଟେଷ୍ଟିଂ ଏଜେନ୍ସି (ଏନଟିଏ) ପକ୍ଷରୁ ପରୀକ୍ଷା ସୂଚୀ ଜାରି ହୋଇଛି।

ଏନଟିଏର ସୂଚନା ଅନୁସାରେ ସିୟୁଇଟି ପିଜି ପରୀକ୍ଷା ପାଇଁ ମୋଟ ୪ ଲକ୍ଷ ୧୨ ହଜାର ୨୪ ଜଣ ଛାତ୍ରଛାତ୍ରୀ ପଞ୍ଜୀକରଣ କରିଛନ୍ତି। ପରୀକ୍ଷା କମ୍ପ୍ୟୁଟର ବେସଡ୍‌ ଟେଷ୍ଟ (ସିବିଟି) ମୋଡରେ ଏହି ପରୀକ୍ଷା କରାଯିବ। ଗୋଟିଏ ସିଫ୍ଟ ପରୀକ୍ଷା ୯୦ ମିନିଟର ହେବ।

ସିୟୁଇଟି ପିଜି ପରୀକ୍ଷାର ପ୍ରଶ୍ନ ଉଭୟ ଇଂରାଜୀ ଓ ହିନ୍ଦୀ ଭାଷାରେ ଆସିବ। ତେବେ କେବଳ ୪୧ଟି ଭାଷା ଭିତ୍ତିକ ବିଷୟର ପରୀକ୍ଷାରେ ପ୍ରଶ୍ନ ସେହି ଭାଷାରେ ଆସିବ। ପରୀକ୍ଷା ସମ୍ପର୍କିତ ଅଧିକ ସୂଚନା ଏନଟିଏର ୱେବସାଇଟ www.nta.ac.inରେ ଉପଲବ୍ଧ।

Tags: #PGAdmission #CUET #EducationYear2025-26 #NTA #Education #India