ଓଡ଼ିଶାଲାଇଭ୍ ବ୍ୟୁରୋ
ଓଡ଼ିଶାର ଜଣେ ଜଣାଶୁଣା ସେଫ୍ ସ୍ମୃତିଶ୍ରୀ ସିଂହ। ରୋଷେଇ ପ୍ରତି ଆଗ୍ରହ ତାଙ୍କୁ ଅନୁଗୁଳରୁ ମୁମ୍ବାଇ ନେଇ ଯାଇଥିଲା। ଜାତୀୟ ଟିଭି ଚ୍ୟାନେଲରେ ପ୍ରସାରିତ ରିଆଲିଟି ସୋ’ ‘ମାଷ୍ଟର ସେଫ୍ ଇଣ୍ଡିଆ’ ସିଜିନ-୬ରେ ରନର୍-ଅପ୍ ହୋଇଥିଲେ ସ୍ମୃତିଶ୍ରୀ। ଓଡ଼ିଶାର ପାରମ୍ପରିକ ଖାଦ୍ୟର ସ୍ୱାଦ ଚଖାଇ ସେ ବେଶ୍ ପ୍ରଶଂସା ସାଉଣ୍ଟି ଥିଲେ।
ସ୍ମୃତିଶ୍ରୀଙ୍କୁ ଓଡ଼ିଆ ଖାଇବା ଭାରି ପସନ୍ଦ। ଖାଲି ଖାଇବାକୁ ନୁହେଁ ଅନ୍ୟକୁ ଖୁଆଇବାକୁ ମଧ୍ୟ ତାଙ୍କୁ ଭଲ ଲାଗେ। ସେ ଅନେକ ତାରକା ହୋଟେଲରେ ସେଫ୍ ଭାବେ କାମ କରିଛନ୍ତି। ବାପାଙ୍କ ସ୍ଵପ୍ନ ସାକାର କରିବାକୁ ମାଷ୍ଟର ସେଫ ଇଣ୍ଡିଆ ପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ ସ୍ମୃତିଶ୍ରୀ।
କେବଳ ରୋଷେଇ ନୁହେଁ ଟାଟୁ ପ୍ରତି ସ୍ମୃତିଶ୍ରୀଙ୍କର ରୁଚି ରହିଛି। ନିଜ ଶରୀରର ବିଭିନ୍ନ ସ୍ଥାନରେ ସେ ପ୍ରାୟ ୧୬ଟି ଟାଟୁ କରିଛନ୍ତି। ଟାଟୁ ନକଲେ ତାଙ୍କୁ ଭଲ ଲାଗେନି। ଟାଟୁ ତାଙ୍କ ପାଇଁ କମିଟମେଣ୍ଟ ବୋଲି ସ୍ମୃତିଶ୍ରୀ କୁହନ୍ତି।
ରିଆଲିଟି ସୋ ‘ମାଷ୍ଟର ସେଫ୍ ଇଣ୍ଡିଆ’ର ରନର୍ ଅପ୍ ସ୍ମୃତିଶ୍ରୀ ସିଂହ ଓଡ଼ିଶାଲାଇଭ୍ର ସାକ୍ଷାତକାରରେ ନିଜ ମାଷ୍ଟର ସେଫ୍ ଅନୁଭୂତି ସହ ଟାଟୁ ପ୍ରତି ତାଙ୍କର ଦୁର୍ବଳତା ସମ୍ପର୍କରେ କହିଛନ୍ତି। ଦେଖନ୍ତୁ ଭିଡିଓ।
Tags: #MasterchefSmrutisreeSingh #TattooLover #Food #FoodLover #ExclusiveInterview #Odisha
