ଓଡ଼ିଶାଲାଇଭ୍ ବ୍ୟୁରୋ
କାଳ ହେଲା ମୁକୁଳା ଡ୍ରେନ। ବର୍ଷା ପାଣିରେ ଭାସିଯାଇ ପ୍ରାଣ ହରାଇଲେ ୧୦ ବର୍ଷର ନାବାଳକ। ଏହି ଅଭାବନୀୟ ଘଟିଣା ଘଟିଛି ରାଜଧାନୀ ଭୁବନେଶ୍ଵରରେ। ମୃତ ନାବାଳକ ହେଉଛନ୍ତି ୟୁନିଟ-୩ ମସଜିଦ କଲୋନୀର ଏସକେ ରାଜେଶ।
ଭୁବନେଶ୍ଵରରେ ମଙ୍ଗଳବାର ଦିନ ବିଜୁଳି ଘଡ଼ଘଡ଼ି ସହ ପ୍ରବଳ ବର୍ଷା ହୋଇଥିଲା। ଦିନ ପ୍ରାୟ ସାଢ଼େ ୨ଟା ସମୟରେ ୟୁନିଟ- ୩ ମସଜିଦ କଲୋନୀ ନିକଟରେ ସାଙ୍ଗମାନଙ୍କ ସହ ଖେଳୁଥିଲା ଏସକେ ରାଜେଶ। ଗୋଟଏ ବେଲୁନକୁ ଆଣିବାକୁ ଯାଇ ରାଜେଶ ନାଳରେ ଭସିଯାଇଥିଲେ।
ରାଜେଶଙ୍କୁ ଉଦ୍ଧାର କରିବା ପାଇଁ ଉଦ୍ଧାରକାରୀ ଦଳ ଲାଗି ପଡ଼ିଥିଲେ। ବହୁ ଖୋଜାଖୋଜି କରିବା ପରେ ଅପରାହ୍ଣ ପ୍ରାୟ ସାଢ଼େ ୪ଟା ବେଳେ ଲକ୍ଷ୍ମୀସାଗର ନିକଟ ନାଳରୁ ରାଜେଶଙ୍କୁ ଉଦ୍ଧାର କରାଯାଇଥିଲା।
ଗୁରୁତର ଆବସ୍ଥାରେ ରାଜେଶଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା। କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ରାଜେଶଙ୍କ ମୃତ୍ୟୁକୁ ନେଇ କାନ୍ଦବୋବାଳିରେ ଫାଟି ପଡ଼ୁଛି ଡାକ୍ତରଖାନା ପରିସର।
Tags: #Bhubaneswar #OpenDrain #Death #Minorboydies #Odisha
