ଅନ୍ତର୍ଜାତୀୟ ବୋଲିଂ କ୍ରୀଡ଼ାରେ ଉନ୍ନତ ପ୍ରଦର୍ଶନ ପାଇଁ ଓଡ଼ିଆ କ୍ରୀଡ଼ାବିତ ସଂଗୀତା ନାୟକ ସମ୍ବର୍ଦ୍ଧିତ

ଓଡ଼ିଶାଲାଇଭ୍ ବ୍ୟୁରୋ

ଦିଲ୍ଲୀଠାରେ ଅନୁଷ୍ଠିତ ସ୍ପେଶାଲ୍ ଅଲିମ୍ପିକ ଏସିଆ ପାସିଫିକ ଆଞ୍ଚଳିକ ବୋଲିଂ ପ୍ରତିଯୋଗିତାରେ ଉନ୍ନତ ପ୍ରଦର୍ଶନ ପାଇଁ ଓଡ଼ିଆ କ୍ରୀଡ଼ାବିତ ସଂଗୀତା ନାୟକଙ୍କୁ ସମ୍ବର୍ଦ୍ଧିତ କରାଯାଇଛି। ଭୁବନେଶ୍ଵରରେ ସ୍ଵେଚ୍ଛାସେବୀ ସଂଗଠନ ଓପନ ଲର୍ଣ୍ଣିଂ ସିଷ୍ଟମ୍ସ, ସ୍ପେଶାଲ୍ ଅଲିମ୍ପିକ ଓଡ଼ିଶା ଓ ବିଆରଏମ ପକ୍ଷରୁ ତାଙ୍କୁ ସମ୍ମାନିତ କରାଯାଇଛି।

ଏହି ପ୍ରତିଯୋଗିତାରେ ସଂଗୀତା ନାୟକ ବ୍ୟକ୍ତିଗତ ଭାବରେ ରୌପ୍ୟ ପଦକ ଓ ଦଳଗତ ଇଭେଣ୍ଟରେ ଗୋଟିଏ ସ୍ୱର୍ଣ୍ଣ ଓ ଗୋଟିଏ ବ୍ରୋଞ୍ଜ ପଦକ ହାସଲ କରିଥିଲେ।

ସଂଗୀତା ନାୟକଙ୍କ ପ୍ରଶିକ୍ଷକ ଲିଲୁବାଳା ମହାପାତ୍ରଙ୍କୁ ମଧ୍ୟ କାର୍ଯ୍ୟକ୍ରମରେ ସମ୍ବର୍ଦ୍ଧିତ କରାଯାଇଥିଲା। ତାଙ୍କ ତତ୍ଵାବଧାନରେ ଗତ ୩ ମାସ ହେବ ସଙ୍ଗୀତା ପ୍ରଶିକ୍ଷଣ ନେଉଥିଲେ।

ଏହି କାର୍ଯ୍ୟକ୍ରମରେ ଓପନ ଲର୍ଣ୍ଣିଂ ସିଷ୍ଟମ୍ସର ଉପାଧ୍ୟକ୍ଷ କସ୍ତୁରୀ ମହାପାତ୍ର, ବିଆରଏମର ଉପାଧ୍ୟକ୍ଷ ପ୍ରଦୀପ୍ତ  କୁମାର ରଥ ଓ ସଦସ୍ୟ ପ୍ରୀତି ସୁଷମା, ସ୍ପେଶାଲ୍ ଅଲିମ୍ପିକ ଓଡ଼ିଶାର ବୋର୍ଡ ସଦସ୍ୟ ମନତୋଷ ବେହେରା, କ୍ରୀଡ଼ା ନିର୍ଦେଶକ ସସ୍ମିତା ମହାପାତ୍ର, ରାଜ୍ୟ ସଂଯୋଜକ ଅର୍ପିତା ମହାପାତ୍ର ପ୍ରମୁଖ ଯୋଗ ଦେଇଥିଲେ। ଏହାସହ ଓପନ ଲର୍ଣ୍ଣିଂ ସିଷ୍ଟମ୍ସର ସମସ୍ତ କର୍ମକର୍ତ୍ତା ଓ ଛାତ୍ରଛାତ୍ରୀ କାର୍ଯ୍ୟକ୍ରମରେ ସାମିଲ ହୋଇଥିଲେ।

Tags: #SangitaNayak #SpecialOlympicBowlingGames #SportsPerson #Odisha