ଓଡ଼ିଶାଲାଇଭ୍ ଏଣ୍ଟରଟେନମେଣ୍ଟ ବ୍ୟୁରୋ
ଏ ଯାଏଁ ନିଜ କ୍ୟାରିୟରରେ ବିଭିନ୍ନ ପ୍ରକାରର ଭୂମିକାରେ ଅଭିନୟ କରିସାରିଲେଣି କପୁର ପରିବାରର ଷ୍ଟାର୍ କରୀନା। ନିଜର ଦମଦାର ଅଭିନୟ ପାଇଁ କରୀନାଙ୍କୁ ଢେର ଲୋକପ୍ରିୟତା ବି ମିଳିଛି।
ଏବେ ବଡ଼ ପରଦାରେ କରୀନା ଏକ ନୂଆ ରୂପରେ ଦେଖାଯିବେ। ପ୍ରଥମ ଥର ପାଇଁ କରୀନା ପୋଲିସ୍ ପୋଷାକରେ ଦେଖାଯିବେ। ଅର୍ଥାତ୍ ଫିଲ୍ମରେ ପୋଲିସ୍ ଭୂମିକା କରିବେ କରୀନା। ରିପୋର୍ଟ ଅନୁସାରେ ସୁପରହିଟ୍ ଫିଲ୍ମ ‘ହିନ୍ଦୀ ମିଡିୟମ୍’ର ସିକ୍ୱେଲ ନିର୍ମାଣ ହେବାକୁ ଯାଉଛି।
ଏଥିରେ ମୂଳ ଫିଲ୍ମର ହିରୋ ଇରଫାନ୍ ଖାନଙ୍କ ସହ ସହ ଲିଡ୍ ରୋଲରେ ଦେଖାଯିବେ କରୀନା।
ସେ ଫିଲ୍ମ ସାଇନ୍ ବି କରିସାରିଛନ୍ତି। ହୋମି ଅଦଜାନିଆଙ୍କ ଏହି ଫିଲ୍ମ ପାଇଁ କରୀନା ମେ ମାସ ଶେଷରେ ଲଣ୍ଡନ ଯିବେ ଏବଂ ସେଠାରେ ସୁଟିଂ ଆରମ୍ଭ କରିବେ।
କୁହାଯାଉଛି କରୀନାଙ୍କୁ ସ୍କ୍ରିପ୍ଟ ଖୁବ୍ ଭଲ ଲାଗିଛି। ଖାସ୍ କରି ନିଜର ୧୯ ବର୍ଷର କ୍ୟାରିୟରରେ ପ୍ରଥମ ଥର ପାଇଁ ପୋଲିସ୍ ଭୂମିକା ପାଇଥିବାରୁ ଏହାକୁ ନେଇ ଖୁବ୍ ଉତ୍ସାହିତ ଅଛନ୍ତି କରୀନା। ଏବେ କରୀନା ଫିଲ୍ମ ‘ଗୁଡ୍ ନ୍ୟୁଜ୍’ର ସୁଟିଂରେ ବ୍ୟସ୍ତ ଅଛନ୍ତି। ଏହି ଫିଲ୍ମରେ ତାଙ୍କ ସହ ଅକ୍ଷୟ କୁମାର ଓ ଦିଲଜିତ୍ ଦୋସାଣ୍ଡା ଲିଡ୍ ରୋଲରେ ଅଛନ୍ତି। ଏହାପରେ କରଣ ଜୋହରଙ୍କ ପିରିୟଡ଼ ଡ୍ରାମା ଫିଲ୍ମ ‘ତଖ୍ତ’ରେ ଦେଖାଯିବେ କରୀନା।
