ଓଡ଼ିଶାଲାଇଭ୍ ବ୍ୟୁରୋ
ଘୁଞ୍ଚିଲା ଏକକ ପିଜି ନାମଲେଖା ପ୍ରକ୍ରିୟା। ନଭେମ୍ବର ୧୦ ବଦଳରେ ଆସନ୍ତା ୧୬ ତାରିଖରେ ରାଜ୍ୟସ୍ତରୀୟ ମେରିଟ୍ ଲିଷ୍ଟ ପ୍ରକାଶ ପାଇବ। ଏଥିସହ ଡିସେମ୍ବର ୧୬ ତାରିଖ ସୁଦ୍ଧା ସମସ୍ତ ନାମଲେଖା ପ୍ରକ୍ରିୟା ଶେଷ କରିବାକୁ ବିଭାଗ ଚିଠି ଲେଖି ସମସ୍ତ ବିଶ୍ୱବିଦ୍ୟାଳୟର ପିଜି କାଉନସିଲ୍ ଚେୟାରମ୍ୟାନଙ୍କୁ ଅବଗତ କରାଇଛି।
ରାଜ୍ୟରେ ଚଳିତ ବର୍ଷ ପ୍ରଥମ କରି ଏକକ ପିଜି ନାମଲେଖା ପ୍ରକ୍ରିୟା ହେଉଛି। ଏଥିପାଇଁ ପ୍ରବେଶିକା ପରୀକ୍ଷା ମଧ୍ୟ ଶେଷ ହୋଇସାରିଛି। ଯାହାର ଫଳ ନଭେମ୍ବର ୧୦ ତାରିଖରେ ବାହାରିବାର ଥିଲା। ହେଲେ ଏବେ ଏହାକୁ ଘୁଞ୍ଚାଇ ଦିଆଯାଇଛି। ନଭେମ୍ବର ୧୬ ତାରିଖରେ ରାଜ୍ୟସ୍ତରୀୟ ମେରିଟ୍ ଲିଷ୍ଟ ପ୍ରକାଶ ପାଇବ, ଯାହା ଅନୁସାରେ ପିଲାମାନଙ୍କ ନାମଲେଖା ହେବ।
ମେରିଟ୍ ଲିଷ୍ଟ ପ୍ରକାଶପାଇବା ପରେ ନାମଲେଖା ପ୍ରକ୍ରିୟା ଆରମ୍ଭ ହେବ। ଏହି ନାମଲେଖା ପ୍ରକ୍ରିୟା ଡିସେମ୍ବର ୧୬ ସୁଦ୍ଧା ଶେଷ କରି ଏହାପରେ ପିଜି ପ୍ରଥମ ବର୍ଷ ପାଠପଢ଼ା ଆରମ୍ଭ ହେବ।
