ଓଡ଼ିଶାଲାଇଭ୍ ବ୍ୟୁରୋ
(ମୟୂରଭଞ୍ଜରୁ ରାଧାଶ୍ୟାମ ପ୍ରଧାନ): ଶିମିଳିପାଳ ଅଭୟାରଣ୍ୟ ଭିତରକୁ ଶିକାର କରିବା ପାଇଁ ପଶିବା ଅଭିଯୋଗରେ ୩ଜଣଙ୍କୁ ଗିରଫ କରିଛି ବନ ବିଭାଗ। ଅଭିଯୁକ୍ତମାନେ ହେଲେ ବାଙ୍ଗିରିପୋଷି ଅଞ୍ଚଳର କରଣ ମାର୍ଣ୍ଡି, କାରୁ ହାଁସଦା ଓ ବୁଧୁରାଇ ସୋରେନ। ସେମାନଙ୍କ ନିକଟରୁ ୫ଟି ଦେଶୀ ବନ୍ଧୁକ ଓ ଗୋଟିଏ ଅଧା ନିର୍ମିତ ବନ୍ଧୁକ ଜବତ କରାଯାଇଛି।
କିଛି ଲୋକ ଶିକାର କରିବାକୁ ଅଭୟାରଣ୍ୟ ଭିତରେ ପଶିଥିବା ଖବର ପାଇଥିଲା ବନ ବିଭାଗ। ଏହା ପରେ ବନ ବିଭାଗ କର୍ମଚାରୀ ୩ଜଣଙ୍କୁ ଅଭୟାରଣ୍ୟ ଭିତରୁ ଧରିବାରେ ସଫଳ ହୋଇଥିଲେ। ବନ୍ୟପ୍ରାଣୀ ସୁରକ୍ଷା ଆଇନ ବଳରେ ୩ ଅଭିଯୁକ୍ତଙ୍କୁ ଗିରଫ କରାଯାଇଛି।
Tags: #Mayurbhanj #SeizedLocalGun #ForestDept #Arrest #Similipal
