ଓଡ଼ିଶାଲାଇଭ୍ ବ୍ୟୁରୋ
ଓଡ଼ିଶାରେ ଆଜି, ଶୁକ୍ରବାର ଦିନ ପାଗ ଶୁଖିଲା ରହିଥିବାବେଳେ ଆସନ୍ତାକାଲିଠାରୁ ପୁଣି ବର୍ଷା ହେବା ନେଇ ଆକଳନ କରିଛି ଭୁବନେଶ୍ଵରସ୍ଥିତ ଆଞ୍ଚଳିକ ପାଣିପାଗ କେନ୍ଦ୍ର। ଡିସେମ୍ବର ୨୮ ଓ ୨୯ ତାରିଖ ଦୁଇଦିନ ରାଜ୍ୟର କେତେକ ଜିଲ୍ଲାରେ ହାଲୁକାରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି।
ପଶ୍ଚିମା ଝଡ଼ ପ୍ରଭାବରେ ଆସନ୍ତା ଶନିବାର ଓ ରବିବାର ଉତ୍ତର ତଥା ଉତ୍ତର ପଶ୍ଚିମ ଓଡ଼ିଶାର କେତେକ ଜିଲ୍ଲାରେ ମଧ୍ୟମ ଧରଣର ବର୍ଷା ହେବା ନେଇ ପୂର୍ବାନୁମାନ କରାଯାଇଛି।
କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ପ୍ରଭାବରେ ଗତ ସପ୍ତାହରୁ ଓଡ଼ିଶାରେ ବର୍ଷା ଲାଗି ରହିଥିଲା। ଅଦିନିଆ ବର୍ଷା ଯୋଗୁଁ ରାଜ୍ୟର ବିଭିନ୍ନ ଜିଲ୍ଲାରେ ବ୍ୟାପକ ଧାନ ଫସଲ ନଷ୍ଟ ହୋଇଛି। ଶୁକ୍ରବାର ଦିନ ଓଡ଼ିଶାରେ ପାଗ ଶୁଖିଲା ରହିଥିବାବେଳେ ଶନିବାରଠାରୁ ପୁଣି ବର୍ଷା ସମ୍ଭାବନାକୁ ନେଇ ଚିନ୍ତା ପଡ଼ିଛନ୍ତି ଚାଷୀ।
Tags: #Weather #WeatherUpdates #Rainfall #Odisha #MCBBSR
