ଓଡ଼ିଶାଲାଇଭ୍ ବ୍ୟୁରୋ
ଓଡ଼ିଶାଲାଇଭ୍ ପ୍ରସ୍ତୁତ ‘ଷ୍ଟାର୍ଟଅପ୍ ଷ୍ଟୋରି’ ଭିଡିଓ ସିରିଜରେ ଯୁବ ଉଦ୍ୟୋଗୀ ତଥା ତଥା ‘ଫାର୍ ଆଇ’ର ସହ-ପ୍ରତିଷ୍ଠାତା ଗୌତମ କୁମାରଙ୍କ ସହ ସୁବ୍ରତ ବାଗ୍ଚୀଙ୍କ ବାର୍ତ୍ତାଳାପ ଆସନ୍ତୁ ଦେଖିବା।
‘ଓଡ଼ିଶାଲାଇଭ୍’ର ଓ୍ୱେବ ସିରିଜ୍ ‘ଷ୍ଟାର୍ଟଅପ୍ ଷ୍ଟୋରି’ ୨୦୨୧ ମସିହାରେ ପ୍ରସାରିତ ହୋଇଥିଲା। ଏହାର ପଞ୍ଚମ ଅଧ୍ୟାୟରେ ଅତିଥି ଥିଲେ ଷ୍ଟାର୍ଟଅପ୍ ଜଗତରେ ନିଜର ସ୍ଵତନ୍ତ୍ର ପରିଚୟ ସୃଷ୍ଟି କରିଥିବା ‘ଫାର୍ ଆଇ’ର ସହ-ପ୍ରତିଷ୍ଠାତା ଗୌତମ କୁମାର। ଓଡ଼ିଶା ଦକ୍ଷତା ବିକାଶ କର୍ତ୍ତୃପକ୍ଷର ତତକାଳୀନ ଅଧ୍ୟକ୍ଷ ସୁବ୍ରତ ବାଗ୍ଚୀ ‘ଷ୍ଟାର୍ଟଅପ୍ ଷ୍ଟୋରି’ର ଉପସ୍ଥାପନା କରିଥିଲେ।
ଭାରତର ଷ୍ଟାର୍ଟଅପ୍ ଗ୍ୟାଲାକ୍ସିର ଜଣେ ସାଇନିଙ୍ଗ ଷ୍ଟାର୍ ହେଲେ ଗୌତମ କୁମାର। ଭୁବନେଶ୍ଵରସ୍ଥିତ କିଟ୍ ବିଶ୍ଵବିଦ୍ୟାଳୟରୁ ଇଞ୍ଜିନିୟରିଂ କରିବା ପରେ ସେହି କିଟ୍ ଟିବିଆଇରୁ ନିଜର ପ୍ରଥମ ଷ୍ଟାର୍ଟଅପ୍ର ଯାତ୍ରା ଆରମ୍ଭ କରିଥିଲେ ଗୌତମ। ଦୁଇଜଣ ସହଯୋଗୀଙ୍କ ସହ ମିଶି ୨୦୧୩ ମସିହାରେ ଠିଆ କରିଥିଲେ ଷ୍ଟାର୍ଟଅପ୍ କମ୍ପାନି ‘ଫାର୍ ଆଇ’। ଓଡ଼ିଶାରୁ ବିକଶିତ ଏହି କମ୍ପାନି ଏବେ ଭାରତ ସହିତ ସାରା ବିଶ୍ଵରେ ଖ୍ୟାତି ଅର୍ଜନ କରିପାରିଛି।
ଗୌତମ ତରୁଣ ପିଢ଼ି ତଥା ଷ୍ଟାର୍ଟଅପ୍ରେ ଆଗ୍ରହ ରଖୁଥିବା ଛାତ୍ରଛାତ୍ରୀଙ୍କ ପାଇଁ ଏକ ପ୍ରେରଣା। ତାଙ୍କ ପରିବାର, ଛାତ୍ର ଜୀବନ, ବିଶେଷକରି ଷ୍ଟାର୍ଟଅପ୍ ଯାତ୍ରା ପଛର ସଂଘର୍ଷ ଓ ସଫଳତାର ଅନେକ କଥାକୁ ଆସନ୍ତୁ ଜାଣିବା।
Tags: #Startup #GautamKumar #FarEye #StartupStory #StartupOdisha #SkilledinOdisha #SkillIndia #Odisha #ଷ୍ଟାର୍ଟଅପଷ୍ଟୋରି #ଗୌତମକୁମାର
