ଓଡ଼ିଶାଲାଇଭ୍ ବ୍ୟୁରୋ
ସଂକୀର୍ତ୍ତନ ସାରି ଘରକୁ ଫେରୁଥିବାବେଳେ ଦୁର୍ଘଟଣାରେ ୬ ଜଣଙ୍କର ମୃତ୍ୟୁ ହୋଇଛି। ଏହି ଅଭାବନୀୟ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା ହେମଗିରି ଥାନା ଅନ୍ତର୍ଗତ ଗଏକନପାଲି ନିକଟରେ।
ହେମଗିରି ଥାନା କଣ୍ଡାଧୁଡ଼ା ଓ ସମରପିଣ୍ଡା ଅଞ୍ଚଳର ଏକ ସଂକୀର୍ତ୍ତନ ମଣ୍ଡଳୀର ସଦସ୍ୟମାନେ ଛତିଶଗଡ଼ର ଚକାବାହାଲକୁ ସଂକୀର୍ତ୍ତନ କରିବାକୁ ଯାଇଥିଲେ। ସଂକୀର୍ତ୍ତନ ସରିବା ପରେ ଶୁକ୍ରବାର ବିଳମ୍ବିତ ରାତିରେ ସମସ୍ତେ ଏକ ଭ୍ୟାନରେ ଘରକୁ ଫେରୁଥିଲେ।
ଗଏକନପାଲି ନିକଟରେ ରାସ୍ତା ଗଡ଼ରେ ଛିଡ଼ା ହୋଇଥିବା ଏକ କୋଇଲା ବୋଝେଇ ଟ୍ରଲକୁ ପଛପଟୁ ଭ୍ୟାନଟି ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ହିଁ ୬ ଜଣଙ୍କର ମୃତ୍ୟୁ ହୋଇଥିଲା। ଏହି ଦୁର୍ଘଟଣାରେ ୫ ଜଣ ଗୁରୁତର ଭାବେ ଆହତ ହୋଇଛନ୍ତି। ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ମୃତାହତଙ୍କୁ ଉଦ୍ଧାର କରିଥିଲା। ଆହତମାନଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି।
Tags: #Accident #Death #RoadAccident #Sundargarh #Hemagiri #Odisha
