ଓଡ଼ିଶାଲାଇଭ୍ ବ୍ୟୁରୋ
ରିଲିଜ୍ ହୋଇଛି ବଲିଉଡ୍ ଫିଲ୍ମ ‘ଭୁଲ ଭୁଲେୟା-୩’। କାର୍ତ୍ତିକ ଆର୍ୟନ୍ ଓ ତ୍ରିପ୍ତି ଦିମରିଙ୍କ ଅଭିନୀତ ଏହି ଫିଲ୍ମ ବକ୍ସ ଅଫିସରେ ଭଲ ପ୍ରଦର୍ଶନ କରୁଛି। ଦର୍ଶକେ ଏହାକୁ ଖୁବ୍ ପ୍ରଶଂସା କରୁଛନ୍ତି। ଏହି ଫିଲ୍ମ ସହ ରହିଛି ଓଡ଼ିଶା କନେକ୍ସନ। ଫିଲ୍ମଟିର ନିର୍ଦ୍ଦେଶନା କ୍ଷେତ୍ରରେ ଯାଦୁ ଦେଖାଇ ଚର୍ଚ୍ଚାକୁ ଆସିଛନ୍ତି ଓଡ଼ିଆ ପୁଅ ରାଜ କିଶୋର ହୋତା।
ଭୁଲ ଭୁଲେୟା-୩ ଫିଲ୍ମରେ ସହ-ନିର୍ଦ୍ଦେଶକ ଭାବେ କାର୍ଯ୍ୟ କରିଛନ୍ତି ସୋନପୁର ଜିଲ୍ଲାର ରାଜ କିଶୋର ହୋତା। ଏହି ଚଳଚ୍ଚିତ୍ର ପାଇଁ ତାଙ୍କୁ ବିଭିନ୍ନ ମହଲରୁ ପ୍ରଶଂସା ମିଳିବାରେ ଲାଗିଛି।
ରାଜ କିଶୋର ହୋତା ଅନେକ ବର୍ଷ ଧରି ବଲିଉଡ୍ ଇଣ୍ଡଷ୍ଟ୍ରିରେ କାମ କରି ଆସୁଛନ୍ତି। ଏକାଧିକ ସିନେମାର ନିର୍ଦ୍ଦେଶନା କ୍ଷେତ୍ରରେ ସେ ନିଜର ପ୍ରତିଭା ଦେଖାଇଛନ୍ତି।
‘ଆଇ ଆମ କଲାମ’, ‘କୌନ କିତନେ ପାନି ମେ’ ତଥା ‘ଡ୍ରିମ ଗାର୍ଲ-୨’ ଭଳି ବଲିଉଡ୍ ଫିଲ୍ମରେ ସହ ନିର୍ଦ୍ଦେଶକ ଭାବେ କାମ କରିଛନ୍ତି ରାଜ କିଶୋର। କେବଳ ସେତିକି ନୁହେଁ ଓଡ଼ିଶାର କାହାଣୀକୁ ନେଇ ପ୍ରସ୍ତୁତ ସିନେମା ‘ଦ ମାଉଣ୍ଟନ ହକି’ର ପ୍ରଯୋଜନା ଦାୟିତ୍ୱ ମଧ୍ୟ ସେ ତୁଲାଇଛନ୍ତି।
Tags: #BhoolBhulaiyaa3 #RajKishoreHota #AsstDirector #Bollywood #Odisha
