ଓଡ଼ିଶାଲାଇଭ୍ ଏଣ୍ଟରଟେନମେଣ୍ଟ ବ୍ୟୁରୋ
ନିକଟରେ ବଲିଉଡରେ ଏଣ୍ଟ୍ରି କରିଛନ୍ତି ଆଉ ଜଣେ ନବାଗତା। ତାଙ୍କୁ ନେଇ ଏବେ ସବୁଠି ଚାଲିଛି ଚର୍ଚ୍ଚା। ଏହି ନବାଗତାଙ୍କୁ ବଲିଉଡରେ ଏଣ୍ଟ୍ରି କରାଇଛନ୍ତି ସୁପରଷ୍ଟାର ସଲମାନ ଖାନ। ଫିଲ୍ମ ରିଲିଜ ନହେବା ପୂର୍ବରୁ ଚର୍ଚ୍ଚାରେ ଥିବା ଏହି ଅଭିନେତ୍ରୀ ଜଣକ ହେଲେ ପ୍ରନୂତନ ବାହି।
ବିଗତ ଦିନର ଆଗଧାଡ଼ିର ଅଭିନେତ୍ରୀ ନୂତନଙ୍କ ନାତୁଣୀ ହେଲେ ପ୍ରନୂତନ। ତାଙ୍କ ଅଭିନୀତ ପ୍ରଥମ ଚଳଚ୍ଚିତ୍ର ନୋଟବୁକ୍। ଏହି ଫିଲ୍ମର ଟ୍ରେଲର ନିକଟରେ ରିଲିଜ ହୋଇଛି।
ଫିଲ୍ମର ଦୁଇଟି ଗୀତ ମଧ୍ୟ ରିଲିଜ ହୋଇସାରିଲାଣି। ଏହି ଫିଲ୍ମ ଓ ଟ୍ରେଲରରୁ ହିଁ ପ୍ରନୂତନଙ୍କୁ ସମୀକ୍ଷକଙ୍କ ଗ୍ରୀନ ସିଗ୍ନାଲ ମିଳି ସାରିଲାଣି। ଫିଲ୍ମର ରିଲିଜ ନହେଉଣୁ ଲୋକପ୍ରିୟତା ହାସଲ କରିଛନ୍ତି ଏହି ଅଭିନେତ୍ରୀ। ଏବେଠାରୁ ହିଁ ତାଙ୍କୁ ଅନେକ ଫିଲ୍ମର ଅଫର୍ ମିଳିବାରେ ଲାଗିଛି।
ନୋଟବୁକ୍ରେ ତାଙ୍କ ବିପକ୍ଷରେ ଅଭିନୟ କରିଛନ୍ତି ଅଭିନେତା ଜାହିର ଇକବାଲ। ଫିଲ୍ମଟି ପ୍ରେମ କାହାଣୀ ଉପରେ ଆଧାରିତ ହୋଇଛି।
