ଓଡ଼ିଶାଲାଇଭ୍ ଏଣ୍ଟରଟେନମେଣ୍ଟ ବ୍ୟୁରୋ
ପଶ୍ଚିମବଙ୍ଗର ସବୁଠୁ ବଡ଼ ପର୍ବ ଦୁର୍ଗାପୂଜା। ଏଥିପାଇଁ ପ୍ରସ୍ତୁତି ମଧ୍ୟ ଜୋରସୋରରେ ଚାଲିଛି। ପୂଜା ପୂର୍ବରୁ ପଶ୍ଚିବଙ୍ଗର ଦୁଇ ଲୋକସଭା ସାଂସଦ ନୁସରତ ଜହାଁ ଓ ମିମି ଚକ୍ରବର୍ତ୍ତୀଙ୍କ ଦମଦାର ଡ୍ୟାନ୍ସ ଦେଖିବାକୁ ମିଳିଛି। ମା’ ଦୁର୍ଗା ଗୀତରେ ଉଭୟ ଡ୍ୟାନ୍ସ କରିଛନ୍ତି। ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି। ୟୁଟ୍ୟବରେ ଏହି ଭିଡିଓକୁ ୯ ଲକ୍ଷରୁ ଅଧିକ ଲୋକ ଦେଖିସାରିଲେଣି।
ଏହି ଭିଡିଓରେ ନୁସରତ, ମିମିଙ୍କ ବ୍ୟତୀତ ଅଭିନେତ୍ରୀ ଶୁଭଶ୍ରୀ ଗାଙ୍ଗୁଲିଙ୍କୁ ଦେଖିବାକୁ ମିଳିଛି।
ନୁସରତ ଓ ମିମି ସାଂସଦ ହେବା ସହ ବଙ୍ଗାଳୀ ଫିଲ୍ମ ଇଣ୍ଡଷ୍ଟ୍ରିର ଦୁଇ ଖ୍ୟାତନାମା ହିରୋଇନ ମଧ୍ୟ। ସେ ଟିଏମଟି ବାର୍ କମ୍ପାନି ପାଇଁ ଏହି ଦୁର୍ଗାପୂଜା ଗୀତରେ ଡ୍ୟାନ୍ସ କରିଛନ୍ତି। ଇନ୍ଦ୍ରଦୀପ ଦାସ ଗୁପ୍ତା ଏହି ଗୀତକୁ କମ୍ପୋଜ କରିଛନ୍ତି। ବାବା ଯାଦବଙ୍କ ଦ୍ୱାରା କୋରିଓଗ୍ରାଫ କରାଯାଇଥିବା ଏହି ଗୀତରେ ପଶ୍ଚିମବଙ୍ଗର ପାରମ୍ପରିକ ନୃତ୍ୟ ଦେଖିବାକୁ ମିଳିଛି।
୨୦୧୯ ନିର୍ବାଚନରେ ନୁସରତ ଜହାଁ ବଶିରହାଟରୁ ଓ ମିମି ଜାଧବପୁରରୁ ସାଂସଦ ଭାବେ ନିର୍ବାଚିତ ହୋଇଥିଲେ।
