ଓଡ଼ିଶାଲାଇଭ୍ ବ୍ୟୁରୋ
ବିଜେଡିରେ ମିଶିଲେ ପୂର୍ବତନ ମୁମ୍ବାଇ ପୋଲିସ କମିଶନର ଅରୂପ ପଟ୍ଟନାୟକ। ନବୀନ ନିବାସରେ ସେ ବିଜେଡିରେ ଯୋଗ ଦେଇଛନ୍ତି। ବିଜେଡି ସଭାପତି ନବୀନ ପଟ୍ଟନାୟକଙ୍କ ତାଙ୍କୁ ଦଳକୁ ସ୍ୱାଗତ କରିଥିଲେ।
ନବୀନ ପଟ୍ଟନାୟକ କହିଛନ୍ତି, “ଅରୂପ ହେଉଛନ୍ତି ବିଜେଡି ପାଇଁ ଅମୂଲ୍ୟ ସମ୍ପଦ। ବିଜେଡରେ ସେ ମିଶିଥିବାରୁ ମୁଁ ବହୁତ ଖୁସି।”
“ବିଜୁ ପଟ୍ଟନାୟକ ସାରା ଭାରତରେ ଓଡ଼ିଶାର ବହୁତ ଟେକ ରଖିଥିଲେ। ବିଜୁବାବୁଙ୍କ ଆଦର୍ଶ ଏବଂ ନବୀନ ପଟ୍ଟନାୟକଙ୍କ ନେତୃତ୍ୱ ଉପରେ ଆସ୍ଥା ପ୍ରକଟ କରି ବିଜେଡି ଯୋଗଦେଇଛି। ଦୀର୍ଘଦିନ ଧରି ଅନ୍ୟ ରାଜ୍ୟର ସେବା କରିବା ପରେ ଏବେ ଓଡ଼ିଶାର ସେବା କରିବା ପାଇଁ ସୁଯୋଗ ମିଳିଛି”, କହିଛନ୍ତି ଅରୂପ ପଟ୍ଟନାୟକ।
ପୁରୀ ଜିଲ୍ଲା ଡେଲାଙ୍ଗ ବ୍ଲକର ଉଦୟପୁରରେ ୧୯୫୫ରେ ଜନ୍ମ ଗ୍ରହଣ କରିଥିଲେ ଅରୂପ। ୧୯୭୯ରେ ସେ ମହାରାଷ୍ଟ୍ର କ୍ୟାଡର ଆଇପିଏସ୍ ପାଇଥିଲେ। ସେ ମୁମ୍ବାଇର ପୋଲିସ କମିଶନର ଭାବେ କାର୍ଯ୍ୟ କରିଛନ୍ତି। ମୁମ୍ବାଇ ପୋଲିସ କମିଶନର ହେବାରେ ଅରୂପ ହେଉଛନ୍ତି ପ୍ରଥମ ଓଡ଼ିଆ।
