ଓଡ଼ିଶାଲାଇଭ୍ ବ୍ୟୁରୋ
ବାତ୍ୟା ‘ଫନି’ରେ ପୁରୀ ସହରରେ ବ୍ୟାପକ କ୍ଷତି ହୋଇଛି। ତେବେ ଏଥିରୁ ବାଦ୍ ପଡ଼ି ନଥିଲା ଶ୍ରୀମନ୍ଦିର। ବାତ୍ୟା ଫନିରେ ଶ୍ରୀମନ୍ଦିରର ବ୍ୟାପକ କ୍ଷତି ହୋଇଛି। ପ୍ରାୟ ୫ କୋଟି ୧୦ ଲକ୍ଷ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ଶ୍ରୀମନ୍ଦିର ମୁଖ୍ୟ ପ୍ରଶାସକ ପ୍ରଦୀପ୍ତ କୁମାର ମହାପାତ୍ର ସୂଚନା ଦେଇଛନ୍ତି।
ତେବେ ଶ୍ରୀମନ୍ଦିରର ପୁନରୁଦ୍ଧାର ପାଇଁ ଇଣ୍ଡିଆନ ଅଏଲ ସହାୟତାର ହାତ ବଢ଼ାଇଛି। ଶ୍ରୀମନ୍ଦିର ପାଇଁ ଇଣ୍ଡିଆନ ଅଏଲ ୫ କୋଟି ଟଙ୍କା ଦେଇଥିବା କମ୍ପାନି ପକ୍ଷରୁ ଟୁଇଟ୍ ଜରିଆରେ ସୂଚନା ଦିଆଯାଇଛି।
Expressing solidarity with #Odisha State & iconic #SriJagannath Temple, Puri, which was damaged due to #CycloneFani; #IndianOil is happy to support restoration works with contribution of Rs 5 crore. #IndianOilCares pic.twitter.com/75CMkXJyeJ
— Indian Oil Corp Ltd (@IndianOilcl) May 8, 2019
ଗତ ୩ ତାରିଖରେ ହୋଇଥିବା ବାତ୍ୟାରେ ଜୟ ବିଜୟଙ୍କ ମୂର୍ତ୍ତି ଭାଙ୍ଗି ଯାଇଥିବା ବେଳେ କଳ୍ପବଟ୍ଟ ମଧ୍ୟ ଭାଙ୍ଗିଥିଲା। ଆନନ୍ଦ ବଜାରରେ ଥିବା କିଛି ଗଛ ଉପୁଡ଼ି ପଡ଼ିଥିଲା। ଶ୍ରୀମନ୍ଦିର ଭିତରେ ଥିବା ବ୍ୟାରିକେଡ୍ ମଧ୍ୟ ଭାଙ୍ଗି ଯାଇଥିଲା।
