ଓଡ଼ିଶାଲାଇଭ୍ ବ୍ୟୁରୋ
ପୁଣିଥରେ ଶ୍ରୀମନ୍ଦିର ଭିତରେ ଦେଖାଗଲା ମୋବାଇଲ୍ ଫୋନ୍। କିଛିଦିନ ତଳେ ଶ୍ରୀମନ୍ଦିର ଭିତର ଫଟୋ ଓ ଭିଡିଓ ଭାଇରାଲ୍ ହେବା ପରେ ଏବେ ଜଣେ ଯୁବକ ଶ୍ରୀମନ୍ଦିର ଭିତରେ ମୋବାଇଲରେ କଥା ହେଉଥିବା ଦେଖିବାକୁ ମିଳିଛି।
ଶ୍ରୀମନ୍ଦିର ଚାହାଣି ମଣ୍ଡପରେ ଛିଡ଼ା ହୋଇ ଜଣେ ଯୁବକ ଫୋନରେ କଥା ହେଉଥିବା ଦେଖିବାକୁ ମିଳିଛି। ଏହି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ତେବେ ଏପର୍ଯ୍ୟନ୍ତ ସେହି ଯୁବକ ଜଣକ କିଏ ଏବଂ ସେ କେମିତି ମନ୍ଦିର ଭିତରକୁ ମୋବାଇଲ ନେଇ ଗଲେ ତାହା ଜଣାପଡ଼ିନାହିଁ।
ଶ୍ରୀମନ୍ଦିର ଭିତରରେ ମୋବାଇଲରେ ଫଟୋ ଉଠାଇବା ଘଟଣା ବାରମ୍ବାର ନଜରକୁ ଆସୁଛି। ଏହା ଫଳରେ ଶ୍ରୀମନ୍ଦିର ସୁରକ୍ଷା ବ୍ୟବସ୍ଥାକୁ ନେଇ ପ୍ରଶ୍ନ ଉଠୁଛି। ଗତ କିଛି ଦିନ ତଳେ ଶ୍ରୀମନ୍ଦିର ଆନନ୍ଦ ବଜାର ଓ ସ୍ନାନ ମଣ୍ଡପ ପାଖର ଫଟୋ ଏବଂ ଭିଡିଓ ଭାଇରାଲ୍ ହେଇଥିଲା।
