ଓଡ଼ିଶାଲାଇଭ୍ ବ୍ୟୁରୋ
ମୁଣ୍ଡବିନ୍ଧା ସମସ୍ତେ କେବେନା କେବେ ଜୀବନରେ ଅନୁଭବ କରିଥା’ନ୍ତି, ଆସନ୍ତୁ ଏହି ସାଧାରଣ ସମସ୍ୟାର ସହଜ ଚିକିତ୍ସା ବିଷୟରେ ଜାଣିବା।
ଥଣ୍ଡା ସେକ ଚେଷ୍ଟା କରି ଦେଖନ୍ତୁ
ଯଦି ଆପଣଙ୍କର ମାଇଗ୍ରେନ୍ ରହିଛି ତେବେ କପାଳ ଉପରେ ଥଣ୍ଡା ସେକ ଦିଅନ୍ତୁ, ଏଥିପାଇଁ ତଉଲିଆରେ ବରଫ ଗୁଡ଼ାଇ ବ୍ୟବହାର କରିପାରିବେ କିମ୍ବା ଫ୍ରିଜ୍ର ଫ୍ରୋଜେନ୍ ମଟର ପ୍ୟାକେଟ୍କୁ ସେକ ଦେବା ପାଇଁ ବ୍ୟବହାର କରିପାରିବେ। ଏହି ଥଣ୍ଡା ସେକକୁ ମଥାରେ ୧୫ ମିନିଟ୍ ପର୍ଯ୍ୟନ୍ତ ରଖନ୍ତୁ ଏବଂ ତାହା ପରେ ୧୫ ମିନିଟ୍ ବ୍ୟବଧାନ ଦେଇ ପୁଣି ଥରେ ଥଣ୍ଡା ସେକ ଦିଅନ୍ତୁ। ଯନ୍ତ୍ରଣା କମ୍ କରିବା ପାଇଁ ଥଣ୍ଡା ପାଣିରେ ଗାଧୋଇ ପାରନ୍ତି।
ହିଟିଂ ପ୍ୟାଡ୍ କିମ୍ବା ଗରମ ସେକ ବ୍ୟବହାର କରନ୍ତୁ
ଯଦି ଆପଣଙ୍କର ଟେନ୍ସନ୍ ବା ମାନସିକ ଚାପ କାରଣରୁ ମୁଣ୍ଡ ବିନ୍ଧୁଛି, ଆପଣଙ୍କ ମୁଣ୍ଡ କିମ୍ବା ବେକ ପଛପଟେ ହିଟିଂ ପ୍ୟାଡ୍ ରଖନ୍ତୁ। ଯଦି ସାଇନସ୍ କାରଣରୁ ମୁଣ୍ଡ ବିନ୍ଧା ହେଉଛି ତେବେ ଉଷୁମ କପଡ଼ା ବିନ୍ଧୁଥିବା ସ୍ଥାନ ଚାରିପଟେ ଗୁଡ଼ାଇ ଦିଅନ୍ତୁ। ଉଷୁମ ପାଣିରେ ଗାଧୋଇବା ମଧ୍ୟ ଆରାମ ଦେଇପାରେ।
ମୁଣ୍ଡ ବା କପାଳରୁ ଚାପ କମ୍ କରନ୍ତୁ
ଯଦି ଆପଣଙ୍କ ମୁଣ୍ଡ ବାନ୍ଧିଲା ବେଳେ ଟାଇଟ୍ କରି ଗଣ୍ଠି ପକାଇ ଦିଅନ୍ତି ବେଳେ ବେଳେ ମୁଣ୍ଡ ବିନ୍ଧା ହୋଇପାରେ। ଏହି ବାହ୍ୟ ଚାପ ମୁଣ୍ଡ ବିନ୍ଧା ବେଳେ ବେଳେ ହ୍ୟାଟ୍, ହେଡ୍ବ୍ୟାଣ୍ଡ୍ କିମ୍ବା ଏପରିକି ସୁଇମିଙ୍ଗ୍ ଗଗଲ୍ସ ଟାଇଟ୍ ଥିବା କାରଣରୁ ମଧ୍ୟ ହୋଇପାରେ। ଏହି ଅଧ୍ୟୟନରେ ଯେଉଁ ମହିଳାମାନେ ତାଙ୍କର କେଶ ଢିଲା କରିଦିଅନ୍ତି ଏହି ମୁଣ୍ଡ ବିନ୍ଧା ଦୂର ହୋଇଯାଇଥାଏ। ତେଣୁ ମୁଣ୍ଡ ଉପରୁ ଓ ତାଳୁରୁ ଚାପ କମ୍ କରନ୍ତୁ।
ଆଲୋକର ତୀବ୍ରତା କମ୍ କରନ୍ତୁ
ଉଜ୍ଵଳ କିମ୍ବା ଧପ୍ ଧପ୍ ହେଉଥିବା ଆଲୋକ ଏବଂ ଏପରିକି ଆପଣଙ୍କ କମ୍ପ୍ୟୁଟର ସ୍କ୍ରିନ୍ ମଧ୍ୟ ମାଇଗ୍ରେନ୍ ମୁଣ୍ଡବିନ୍ଧାର କାରଣ ହୋଇପାରେ। ଯଦି ଆପଣ ଏଥିରେ ଆକ୍ରାନ୍ତ ହେଉଥା’ନ୍ତି, ତେବେ ଦିନ ସମୟରେ ଝରକାରେ ସମ୍ପୂର୍ଣ୍ଣ ଭାବରେ ସୂର୍ଯ୍ୟକିରଣ ଅବରୋଧ କରୁଥିବା ପରଦା ବ୍ୟବହାର କରନ୍ତୁ। ବାହାରକୁ ଗଲା ବେଳେ ସନ୍ ଗ୍ଲାସ୍ ପିନ୍ଧନ୍ତୁ। ଆପଣ କମ୍ପ୍ୟୁଟରରେ ଆଣ୍ଟିଗ୍ଲେୟାର ସ୍କ୍ରିନ୍ ବ୍ୟବହାର କରିପାରନ୍ତି ଏବଂ ଆଲୋକ ପାଇଁ ଡେଲାଇଟ୍ ସ୍ପେକ୍ଟ୍ରମ୍ ଫ୍ଲୋରୋସେଣ୍ଟ ବଲ୍ବ ବ୍ୟବହାର କରିପାରନ୍ତି।
କିଛି ଚୋବାନ୍ତୁ ନାହିଁ
ଚୁଇଙ୍ଗମ୍ କେବଳ ମାଢ଼ିକୁ କଷ୍ଟ ଦିଏ ନାହିଁ ମୁଣ୍ଡ ବିନ୍ଧା ମଧ୍ୟ ବଢ଼ାଇଦିଏ। ତେଣୁ ଆଙ୍ଗୁଠି, ଓଠ, ଗାଲ, କଲମ ଇତ୍ୟାଦି ଚୋବାନ୍ତୁ ନାହିଁ। ମୁଣ୍ଡ ବିନ୍ଧୁଥିବା ସମୟରେ ଟାଣ ଖାଦ୍ୟ ଖାଆନ୍ତୁ ନାହିଁ। ଯଦି ରାତିରେ ଦାନ୍ତ ରଗଡ଼ୁଛନ୍ତି ତେବେ ଆପଣଙ୍କ ଡେଣ୍ଟିଷ୍ଟିଙ୍କୁ ଏକ ମାଉଥ୍ ଗାର୍ଡ ଦେବା ପାଇଁ କହନ୍ତୁ। କାରଣ ଏହା ସକାଳୁ ସକାଳୁ ମୁଣ୍ଡ ବ୍ୟଥା ବଢ଼ାଇ ଦେଇଥାଏ।
ଅଳ୍ପ ଚା’ ବା କଫି ସେବନ କରନ୍ତୁ
ଅଳ୍ପ ପରିମାଣରେ ଚା’ କିମ୍ବା କଫି ପିଅନ୍ତୁ। ଯଦି ସକାଳୁ ସକାଳୁ ଚା’ ବା କପି ପିଇବ ତେବେ ଏହା ଆପଣଙ୍କର ମୁଣ୍ଡ ବ୍ୟଥା କମ୍ କରିପାରେ। ଏହା ଯୋଗୁଁ ମୁଣ୍ଡ ବିନ୍ଧା ବଟିକା ଖାଇବାକୁ ପଡ଼ିନପାରେ ବା ମୁଣ୍ଡବିନ୍ଧା ବଟିକା ଖାଇଲେ ମଧ୍ୟ ଭଲ କାମ କରିଥାଏ। ଅତ୍ୟଧିକ ଚା’ କଫି ପିଅନ୍ତୁ ନାହିଁ କାରଣ ଏହା କମ୍ କରିବା ଯୋଗୁଁ ମଧ୍ୟ ମୁଣ୍ଡବିନ୍ଧା ହୋଇପାରେ।
