ଓଡ଼ିଶାଲାଇଭ୍ କରୋନା ବ୍ୟୁରୋ
ଭୁବନେଶ୍ୱରରେ ଆଜି ପୁଣି ୯୦ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏବେ ରାଜଧାନୀରେ କରୋନା ଆକ୍ରାନ୍ତଙ୍କ ସଂଖ୍ୟା ୮୫୯ରେ ପହଞ୍ଚିଛି। ଚିହ୍ନଟ ହୋଇଥିବା ୯୦ ଜଣ ଆକ୍ରାନ୍ତଙ୍କ ମଧ୍ୟରୁ ୬୩ ଜଣ କ୍ୱାରେଣ୍ଟାଇନ ସେଣ୍ଟରରୁ ହୋଇଥିବା ବେଳେ ୨୭ ଜଣ ଲୋକାଲ କେସ୍ ଅଛନ୍ତି।
ବିଜେବି ନଗର, ନୟାପଲ୍ଲୀ, ଗଣ୍ଡମୁଣ୍ଡା, ଖଣ୍ଡଗିରି, ମହାଲକ୍ଷ୍ମୀ ବିହାର, ଘଟିକିଆ, ରସୁଲଗଡ଼, ବରମୁଣ୍ଡା, ଚନ୍ଦ୍ରଶେଖରପୁର, ପୋଖରିପୁଟ, ଭରତପୁର ଆଦି ସ୍ଥାନମାନଙ୍କରୁ ଆସିଥିବା ଲୋକାଲ୍ କେସ୍ ଚିନ୍ତାର କାରଣ ପାଲଟିଛି।
ଏପର୍ଯ୍ୟନ୍ତ ଭୁବନେଶ୍ୱରରେ ୮୫୯ କରୋନା ଆକ୍ରାନ୍ତ ଚିହ୍ନଟ ହୋଇଥିଲା ବେଳେ ସେମାନଙ୍କ ମଧ୍ୟରୁ ୩୮୫ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ବର୍ତ୍ତମାନ ୪୬୨ ଆକ୍ଟିଭ କେସ୍ ରହିଥିଲା ବେଳେ ଭୁବନେଶ୍ୱରରେ ଏଯାଏଁ କରୋନାରେ ୧୧ ଜଣଙ୍କ ମୃତ୍ୟୁ ହୋଇଛି।