ଓଡ଼ିଶାଲାଇଭ୍ ବ୍ୟୁରୋ
ଆସନ୍ତାକାଲିଠୁ ରାଜ୍ୟରେ ପୁଣି ବଢ଼ିବ ଶୀତ। ଅନେକ ସ୍ଥାନରେ ୩ରୁ ୪ ଡିଗ୍ରୀ ପର୍ଯ୍ୟନ୍ତ ତାପମାତ୍ରା କମିବ। ଫଳରେ ରାଜ୍ୟରେ ପୁଣି ଥରେ ପ୍ରବଳ ଶୀତ ଅନୁଭୂତ ହେବ ବୋଲି ପୂର୍ବାନୁମାନ କରିଛି ପାଣିପାଗ କେନ୍ଦ୍ର। ଦକ୍ଷିଣ ପଶ୍ଚିମ ବଙ୍ଗୋପସାଗରରେ ଥିବା ଅବପାତ ପ୍ରଭାବରେ ରାଜ୍ୟକୁ ଜଳୀୟବାଷ୍ଫପୂର୍ଣ୍ଣ ବାୟୁ ପ୍ରବେଶ କରୁଛି।
ବଢିବ ଶୀତ!!
ଆଜିଠାରୁ ରାତ୍ରି ତାପମାତ୍ରା ଧୀରେ ଧୀରେ ୩ ରୁ ୪ ଡ଼ିଗ୍ରୀ ଯାଏଁ ତଳକୁ ଖସିବା ସହ ରାଜ୍ୟର ଅନେକ ସ୍ଥାନରେ ବଢିବ ଶୀତ
— Meteorological Centre, Bhubaneswar (@mcbbsr) November 23, 2022
ଏହାଦ୍ଵାରା ପୂର୍ବ ତୁଳନାରେ ରାଜ୍ୟରେ ତାପମାତ୍ରା ସାମାନ୍ୟ ବୃଦ୍ଧି ହୋଇଛି। ଆଜି ଅବପାତ ଦୁର୍ବଳ ହେବା ପରେ ରାଜ୍ୟକୁ ପୁଣି ଥରେ ଥଣ୍ଡା ଓ ଶୁଷ୍କ ବାୟୁ ପ୍ରବେଶ କରିବ। ଏହି ବାୟୁ ଶକ୍ତିଶାଳୀ ହେବା ଦ୍ୱାରା ରାଜ୍ୟରେ ତାପମାତ୍ରା ହ୍ରାସ ହେବ ଓ ପୁଣି ଶୀତର ପ୍ରକୋପ ବଢ଼ିବ। ଆଜିଠୁ ପାଗରେ ପରିବର୍ତ୍ତନ ଆସିବା ସହିତ ସାରା ରାଜ୍ୟରେ ପାଗ ଶୁଖିଲା ରହିବ ବୋଲି ପାଣିପାଗ କେନ୍ଦ୍ର କହିଛି।
Tags: #Odisha #Weather #ColdWave #MetrologicalCenter #Bhubaneswar #TemperatureDown
