ଓଡ଼ିଶାଲାଇଭ୍ ପଲିଟିକାଲ ବ୍ୟୁରୋ
୨୦୧୯ ଲୋକସଭା ନିର୍ବାଚନର ପଞ୍ଚମ ପର୍ଯ୍ୟାୟ ନିର୍ବାଚନ ମେ ୬ ଅର୍ଥାତ ଆଜି ଅନୁଷ୍ଠିତ ହେଉଛି। ଏହି ପର୍ଯ୍ୟାୟରେ ୭ଟି ରାଜ୍ୟର ୫୧ଟି ଆସନରେ ଭୋଟ ଗ୍ରହଣ ଜାରି ରହିଛି। ଆଜି ବହୁ ହେବିଓ୍ୱେଟଙ୍କ ଭାଗ୍ୟ ପରୀକ୍ଷା ହେଉଛି।
ଏହି ହେଭିଓ୍ୱେଟଙ୍କ ମଧ୍ୟରେ ରହିଛନ୍ତି ରାହୁଲ ଗାନ୍ଧି, ସ୍ମୃତି ଇରାନୀ, ସୋନିଆ ଗାନ୍ଧି, ରାଜନାଥ ସିଂହ, ଶତ୍ରୁଘ୍ନ ସିହ୍ନାଙ୍କ ପତ୍ନୀ ପୁନମ ସିହ୍ନା।
ଦେଶର ହାଇପ୍ରୋଫାଇଲ ଆସନ ମଧ୍ୟରେ ଆମେଥି ଗୋଟିଏ। ଏହି ଆସନରେ ରାହୁଲ ଗାନ୍ଧି ଓ ବିଜେପି ପ୍ରାର୍ଥୀ ସ୍ମୃତି ଇରାନୀଙ୍କ ମଧ୍ୟରେ ଟକ୍କର ଚାଲିଛି। ୨୦୧୪ରେ ମଧ୍ୟରେ ଏହି ଦୁଇ ଜଣଙ୍କ ମଧ୍ୟରେ ଟକ୍କର ହୋଇଥିଲା। ହେଲେ ରାହୁଲ ଏହି ଆସନରେ ବିଜୟୀ ହୋଇଥିଲେ।
ସେହିପରି ରାୟବରେଲୀରେ ସୋନିଆ ଗାନ୍ଧି ଓ ବିଜେପି ପ୍ରାର୍ଥୀ ଦିନେଶ ପ୍ରତାପ ସିଂହ ମଧ୍ୟରେ ଳଢ଼େଇ ହେଉଛି। କଂଗ୍ରେସର ଗଡ଼ କୁହଯାଉଥିବା ଏହି ଆସନରେ ଏଥର କିଏ ବିଜୟୀ ହେଉଛି ସେ ଉପରେ ସମସ୍ତଙ୍କ ନଜର ରହିଛି।
ଲକ୍ଷ୍ନୌ ଆସନରେ ବରିଷ୍ଠ ନେତା ରାଜନାଥ ସିଂହଙ୍କର ଭାଗ୍ୟ ନିର୍ଦ୍ଧାରଣ ଆଜି ହିଁ ହେବ। ତାଙ୍କ ବିରୋଧରେ ଏସପି, ବିଏସପି ମେଣ୍ଟରୁ ଶତ୍ରୁଘ୍ନ ସିହ୍ନାଙ୍କ ପତ୍ନୀ ପୁନମ ସିହ୍ନା ପ୍ରାର୍ଥୀ ହୋଇଛନ୍ତି।
