ଓଡ଼ିଶାଲାଇଭ୍ ବ୍ୟୁରୋ
ଆଚ୍ଛେଦିନ୍ର ସ୍ଲୋଗାନ୍ ଦେଇ ସରକାର ଗଠନ କରିଥିବା ବିଜେପି ପାଇଁ ଆଛେଦିନ୍ ଆସି ଯାଇଛି। ଏହି ପାର୍ଟିର ସମ୍ପତ୍ତି ପରିମାଣ ବୃଦ୍ଧି ପାଇଛି। ବିଜେପି ହେଉଛି ଦେଶର ସବୁଠୁ ଧନୀ ରାଜନୈତିକ ଦଳ ବୋଲି ଏଡିଆର୍ ରିପୋର୍ଟରୁ ଜଣାପଡ଼ିଛି।
କଂଗ୍ରେସ: ଦେଶର ସବୁଠୁ ପୁରୁଣା ପାର୍ଟି ହେଉଛି କଂଗ୍ରେସ। ତେବେ ସମ୍ପତ୍ତି ବୃଦ୍ଧି ତାଲିକାରେ ଏହି ଦଳ ପଛରେ ପଡ଼ି ନାହିଁ। ୧୨ ବର୍ଷ ଭିତରେ ଏହି ଜାତୀୟ ଦଳର ସମ୍ପତ୍ତି ୩୫୩ ପ୍ରତିଶତ ବୃଦ୍ଧି ପାଇଛି। ବର୍ତ୍ତମାନ କଂଗ୍ରେସ ପାଖରେ ୭୫୮.୭୯ କୋଟିର ସମ୍ପତ୍ତି ରହିଛି। ୨୦୦୪-୦୫ରେ କଂଗ୍ରେସର ସମ୍ପତ୍ତି ୧୬୭,୩୫ କୋଟି ଥିଲା। କଂଗ୍ରେସ ସମଗ୍ର ଦେଶରେ ସତ୍ତା ହରାଇଥିବା ବେଳେ ସମ୍ପତ୍ତି ବୃଦ୍ଧିରେ ପଛରେ ପଡ଼ିନାହିଁ।
ସିପିଆଇ(ଏମ୍): ଜଳ, ଜଙ୍ଗଲ ଏବଂ ଜମିର କଥା କହୁଥିବା ସିପିଆଇ(ଏମ୍) ବି ସମ୍ପତ୍ତି ବୃଦ୍ଧି ତାଲିକାରେ ପଛରେ ପଡ଼ିନି। ୧୨ ବର୍ଷ ଭିତରେ ଏହି ପାର୍ଟିର ସମ୍ପତ୍ତି ୩୮୩ ପ୍ରତିଶତ ବୃଦ୍ଧି ପାଇଛି। ୨୦୦୪-୦୫ରେ ଏହି ପାର୍ଟିର ସମ୍ପତ୍ତି ଥିଲା ୯୦.୫୫ କୋଟି। ଏହା ବଢ଼ିକରି ୪୩୭.୭୮ କୋଟି ରହିଛି।