ଓଡ଼ିଶାଲାଇଭ୍ ବ୍ୟୁରୋ
ଗୁଜୁରାଟର ସୁରତ ଗସ୍ତରେ ଓଡ଼ିଶା ମୁଖ୍ୟମନ୍ତ୍ରୀ, ଓଡ଼ିଶାରେ ଗୁଜୁରାଟ ମୁଖ୍ୟମନ୍ତ୍ରୀ ବିଜୟ ରୂପାଣୀ।
ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁଜୁରାଟର ସୁରତ ଯାଉଛନ୍ତି। ସୁରତରେ ପ୍ରବାସୀ ଓଡ଼ିଆଙ୍କ ଦ୍ଵାରା ଆୟୋଜିତ ‘ଓଡ଼ିଶା ମହୋତ୍ସବ’ କାର୍ଯ୍ୟକ୍ରମରେ ଯୋଗଦେବେ ମୁଖ୍ୟମନ୍ତ୍ରୀ।
ଏଥିସହ ସେଠାରେ ଥିବା ଶ୍ରୀ ସତ୍ୟସାଇ ହାର୍ଟ ହସ୍ପିଟାଲ ଯାଇ ଚିକିତ୍ସିତ ହେଉଥିବା ଓଡ଼ିଆଙ୍କୁ ଭେଟିବେ। ଏହି ଅବସରରେ ପ୍ରବାସୀ ଓଡ଼ିଆଙ୍କ ସହ ଆଲୋଚନା କରିବେ ମୁଖ୍ୟମନ୍ତ୍ରୀ।
ସୋମବାର ଓଡ଼ିଶା ମୁଖ୍ୟମନ୍ତ୍ରୀ ଗୁଜୁରାଟର ସୁରତ ଯାଉଥିଲାବେଳେ ଗୁଜୁରାଟର ମୁଖ୍ୟମନ୍ତ୍ରୀ ବିଜୟ ରୂପାଣୀ ଓଡ଼ିଶା ଆସୁଛନ୍ତି।
ତେବେ ରାଫେଲ ଡିଲ ନେଇ ଓଡ଼ିଶାରେ ସମ୍ବାଦିକ ସମ୍ମିଳନୀ କରିବେ ରୂପାଣି। ବିଜେପି ସୋମବାର ଦେଶର ୭୦ ଭିନ୍ନ ଭିନ୍ନ ସ୍ଥାନରେ ସାମ୍ବାଦିକ ସମ୍ମିଳନୀ କରିବ। ରାଫେଲ କିଣା ପ୍ରସଙ୍ଗକୁ ନେଇ ସୁପ୍ରିମକୋର୍ଟଙ୍କଠାରୁ ଆଶ୍ଵସ୍ତି ମିଳିବା ଭାରତୀୟ ଜନତା ପାର୍ଟି ଦେଶବ୍ୟାପି ଏନେଇ ସମ୍ବାଦିକ ସମ୍ମିଳନୀ ଡାକିଛି ବୋଲି ସୂଚନା ମିଳିଛି।
