ଓଡ଼ିଶାଲାଇଭ୍ ପଲିଟିକାଲ୍ ବ୍ୟୁରୋ
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କଟାକ୍ଷ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏପରିକି ମୁଖ୍ୟମନ୍ତ୍ରୀଙ୍କ ଭାଷଣକୁ ନେଇ ମଧ୍ୟ ସେ ଅନେକ କିଛି କହିଛନ୍ତି।
ଧର୍ମେନ୍ଦ୍ର ପ୍ରଧାନ ଆଜି କଣ୍ଟାବାଂଜି ସଭାରେ ନବୀନଙ୍କୁ ବିଭିନ୍ନ ପ୍ରସଙ୍ଗ ଉଠାଇ ସମାଲୋଚନା କରିଛନ୍ତି।
ଧର୍ମେନ୍ଦ୍ର କହିଛନ୍ତି, ”ମୁଖ୍ୟମନ୍ତ୍ରୀ ଯେଉଁଠିକୁ ଯାଉଛନ୍ତି, ଦେଢ ମିନିଟିଆ ଭାଷଣ ଦେଉଛନ୍ତି। ମୁଖ୍ୟମନ୍ତ୍ରୀ କେଉଁଠିବି ଭାଷଣ ଦେଉ ନାହାନ୍ତି, ସବୁଠି ଭିଡିଓ ରେକଡିଂ ଶୁଣାଉଛନ୍ତି। ଯେଉଁଠିକୁ ଯାଉଛନ୍ତି ପଚାରୁଛନ୍ତି, ଆପଣମାନେ ଖୁସି ତ, ମୁଁ ବହୁତ ଖୁସି।”
ମୁଖ୍ୟମନ୍ତ୍ରୀଙ୍କ ଭାଷଣକୁ ଧର୍ମେନ୍ଦ୍ର ରାଜ୍ୟରେ ଲୋକଙ୍କ ସମସ୍ୟା ସହ ତୁଳନା କରିଛନ୍ତି। ଧର୍ମେନ୍ଦ୍ର କହିଛନ୍ତି, ”୧୯ବର୍ଷ ହେବ ସରକାର ଜମି ଓ ଲୋକଙ୍କୁ ପାଣି ଦେବାରେ ବିଫଳ ହୋଇଛନ୍ତି। ଏଥିରେ ପୁଣି ସେ ପଚାରୁଛନ୍ତି ଆପଣାମାନେ ଖୁସି ତ।”
