ଓଡ଼ିଶାଲାଇଭ୍ ବ୍ୟୁରୋ
ମହିଳାଙ୍କ ସୌନ୍ଦର୍ଯ୍ୟ ବଢ଼ାଏ କେଶ। ସେଥିପାଇଁ କେଶ ପ୍ରତି ଅଧିକ ଗୁରୁତ୍ୱ ଦେବେ ନିହାତି ଦରକାର। ଫଳରେ କେଶ ସୁସ୍ଥ ଓ ସୁନ୍ଦର ରହିବ। କେଶକୁ ସୁସ୍ଥ ଓ ସୁନ୍ଦର ରଖିବା ପାଇଁ ଆପଣ କେଶ ଧୋଇବା ପୂର୍ବରୁ କିଛି ଉପାୟ ଆପଣେଇ ପାରିବେ।
- କେଶ ଧୋଇବା ପୂର୍ବରୁ ଉଷୁମ ତେଲ ମାଲିସ୍ କଲେ କେଶ ନରମ ରହେ।
- ରୁପି ସମସ୍ୟା ଥିଲେ ଜଡ଼ାତେଲରେ ଅଲିଭ୍ ଅଏଲ କିମ୍ବା ବାଦାମ ତେଲ ଫେଣ୍ଟି ଲଗାନ୍ତୁ। ରୁପି ସମସ୍ୟା କମିବ।
- ସେହିପରି ବସା ଦହିରେ ଅଣ୍ଡା କେସର ଫେଣ୍ଟି କେଶରେ ଲଗାଇ ଧୋଇ ଦିଅନ୍ତୁ। ଏମିତି କରିବା ଦ୍ୱାରା କେଶ ଝଡ଼ିବା କମିଥାଏ।
- ମହୁ ଓ କଦଳୀ ମିଶ୍ରଣ କେଶରେ ଲଗାଇ ଧୋଇଲେ କେଶ ଅଗ ଫାଟିବା ବନ୍ଦ ହୁଏ।
- ଲେମ୍ବୁରସ ଲଗାଇ ମଧ୍ୟ କେଶ ଧୋଇ ପାରିବେ। ଏହାଦ୍ୱାରା କେଶ ମୂଳ ଶକ୍ତ ହୋଇଥାଏ।
