ଓଡ଼ିଶାଲାଇଭ୍ ବ୍ୟୁରୋ
ଭାରତୀୟ ଖାଦ୍ୟ ନିଗମ ଅଧୀନରେ ବିଭିନ୍ନ ପଦ ପାଇଁ ବିଜ୍ଞପ୍ତି ପ୍ରକାଶ ପାଇଛି। ଡିପୋ ମ୍ୟାନେଜର, ଆକାଉଂଟ୍ସ,ମୁଭମେଣ୍ଟ ,ଟେକନିକାଲ,ଇକେକ୍ଟ୍ରିକଲ ଓ ମେକାନିକଲ ଇଞ୍ଜିନିୟରିଂ ଓ ହିନ୍ଦୀ ଭାଷା ପାଇଁ ମ୍ୟାନେଜର ପୋଷ୍ଟ ସକାଶେ ଚଳିତ ମାସ ୨୭ ତାରିଖ ଯାଏଁ ଆବେଦନ କରାଯାଇପାରେ। ଏହି ଆବେଦନ କେବଳ ଅନଲାଇନରେ କରାଯିବ।
ସଫଳ ପ୍ରତିଯୋଗୀମାନଙ୍କୁ ୬ ମାସ ତାଲିମ ଦିଆଯିବ। ଟ୍ରେନିଂ ସମୟରେ ୪୦ ହଜାର ଟଙ୍କା ବୃତ୍ତି ମିଳିବ। ଟ୍ରେନିଂ ସରିବା ପରେ ୪୦୦୦୦-୧୪୦୦୦୦ ପେ ସ୍କେଲରେ ସେମାନଙ୍କୁ ରଖାଯିବ। ଉତ୍ତର, ପଶ୍ଚିମ, ପୂର୍ବ ଓ ଦକ୍ଷିଣ ପାଇଁ ପ୍ରାୟ ୩୩୦ ପଦ ପାଇଁ ଆହ୍ୱାନ କରାଯାଇଛି।
