ଓଡ଼ିଶାଲାଇଭ୍ ଏଣ୍ଟରଟେନ୍ମେଣ୍ଟ ବ୍ୟୁରୋ 
ବଲିଉଡ ଆକ୍ସନ ଷ୍ଟାର ଜନ୍ ଆବ୍ରାହମ, ଅଭିନେତା ପୁଲକିତ୍ ସମ୍ରାଟ୍ ଏବଂ ଅର୍ସଦ ୱାର୍ସି ଦର୍ଶକଙ୍କ ପାଇଁ ନେଇ ଆସିଛନ୍ତି ଏକ ଶାନଦାର ଫିଲ୍ମ। ଏହି ଫିଲ୍ମର ନାଁ ‘ପାଗଲପନ୍ତି’। ଜବରଦସ୍ତ କମେଡିରେ ଭରପୂର ଫିଲ୍ମ ‘ପାଗଲପନ୍ତି’ ଦର୍ଶକଙ୍କୁ ହସାଇ ହସାଇ ବେଦମ କରିବ। ମଙ୍ଗଳବାର ଏହାର ଟ୍ରେଲର ରିଲିଜ ହୋଇଯାଇଛି। ଟ୍ରେଲର ରିଲିଜର କିଛି ଘଣ୍ଟା ମଧ୍ୟରେ ଦର୍ଶକମାନେ ଏହାକୁ ଭଲ ରେସପନ୍ସ ଦେଇଛନ୍ତି।
ଫିଲ୍ମରେ ଜନ୍ଙ୍କ ଧମାକେଦାର ଆକ୍ସନ ଏବଂ କମେଡି ଡ୍ରାମା ଦେଖିବାକୁ ମିଳିବ। ଜନ୍ ଆବ୍ରାହମ, ପୁଲକିତ୍ ଓମ୍ରାଟ୍ ଏବଂ ଅର୍ସଦ ୱାର୍ସିଙ୍କ ବ୍ୟତିତ ଫିଲ୍ମ ‘ପାଗଲପନ୍ତି’ରେ ଅଭିନେତା ଅନିଲ କପୁର, ସୌରଭ ସୁକ୍ଳା, ଅଭିନେତ୍ରୀ ଇଲିଆନା ଡିକ୍ରୁଜ୍, ଉର୍ବଶୀ ରାଉଟେଲା, କ୍ରୀତି ଖରବନ୍ଦା ମୁଖ୍ୟ ଭୂମିକାରେ ନଜର ଆସିଛନ୍ତି।
ସୂଚନାଯୋଗ୍ୟ, ନୋ ଏଣ୍ଟ୍ରୀ, ୱେଲକମ୍, ସିଙ୍ଗ୍ ଇଜ୍ କିଙ୍ଗ୍, ରେଡ୍ଡୀ ଏବଂ ମୁବାରକାଁର ନିର୍ଦ୍ଦେଶକ ଅନୀସ ବଜ୍ମୀ ଫିଲ୍ମ ‘ପାଗଲପନ୍ତି’ର ନିର୍ଦ୍ଦେଶନା ଦେଇଛନ୍ତି। ଏହି ଫିଲ୍ମର ନିର୍ମାତା ହେଉଛନ୍ତି ଭୂଷଣ କୁମାର ଏବଂ କୃଷ୍ଣନ କୁମାର। ଆସନ୍ତା ନଭେମ୍ବର ୨୨ରେ ଫିଲ୍ମ ‘ପାଗଲପନ୍ତି’ ରିଲିଜ ହେବାକୁ ଯାଉଛି।
