ଓଡ଼ିଶାଲାଇଭ ବ୍ୟୁରୋ
ଭାରତୀୟ ମହିଳା ହକି ଟିମ୍କୁ ମିଳିଲା ଟୋକିଓ ଅଲମ୍ପିକ୍ସ ଟିକେଟ। ଯୋଗ୍ୟତା ପର୍ଯ୍ୟାୟ ଦ୍ଵିତୀୟ ମ୍ୟାଚରେ ଆମେରିକାଠାରୁ ହାରି ମଧ୍ୟ ଭାରତ ଅଲିମ୍ପିକ୍ସ ପାଇଁ ଯୋଗ୍ୟତା ହାସଲ କରିଛି। କଳିଙ୍ଗ ଷ୍ଟାଡିୟମରେ ଖେଳାଯାଉଥିବା ଆଜିର ମ୍ୟାଚରେ ଭାରତ ଆମେରିକାଠାରୁ ୪-୧ ଗୋଲରେ ପରାସ୍ତ ହୋଇଛି।
ଭାରତ ଗତକାଲିର ଯୋଗ୍ୟତା ମ୍ୟାଚରେ ଆମେରିକାକୁ ୫-୧ ଗୋଲରେ ପରାସ୍ତ କରିଥିଲା। ଉଭୟ ଗୋଟିଏ ଲେଖାଏଁ ମ୍ୟାଚ ଜିତିଥିବାରୁ ଗୋଲ ବ୍ୟବଧାନକୁ ଗଣାଯାଇଥିଲ। ଦୁଇଟି ଯାକ ମ୍ୟାଚରେ ଭାରତୀୟ ଦଳ ୬ଟି ଗୋଲ ଦେଇଥିବା ବେଳ ଆମେରିକା ୫ଟି ଗୋଲ ଦେଇଥିଲା। ତେଣୁ ୬-୫ ଗୋଲରେ ଭାରତ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଛି।
ତୃତୀୟ ଥର ପାଇଁ ଭାରତୀୟ ମହିଳା ହକି ଦଳ ଅଲିମ୍ପିକ୍ସ ଖେଳିବାକୁ ଯୋଗ୍ୟତା ହାସଲ କରିଛି। ପ୍ରଥମଥର ପାଇଁ ୧୯୮୦ ମସିହାରେ ଯୋଗ୍ୟତା ହାସଲ କରିଥିବା ବେଳେ ପରେ ୨୦୧୬ରେ ରିଓରେ ଭାଗ ନେଇଥିଲା।
