ଓଡ଼ିଶାଲାଇଭ୍ କରୋନା ବ୍ୟୁରୋ
ଦିନ ଯେତିକି ଗଡୁଛି ପରିସ୍ଥିତି ସେତିକି ବିଗୁଡୁଛି। କରୋନା ଭାଇରସ୍ ଦେଶରୁ ଦେଶକୁ ବ୍ୟାପୁଛି। ୧୮୮ ଦେଶରେ କରୋନା ପହଞ୍ଚିଥିବା ରାଜ୍ୟ ସରକାରଙ୍କ ମୁଖ୍ୟ ମୁଖପାତ୍ର ସୁବ୍ରତ ବାଗ୍ଚି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।
ଗତ ଶନିବାର କରୋନା ଆକ୍ରାନ୍ତଙ୍କ ସଂଖ୍ୟା ସାରା ବିଶ୍ୱରେ ୨ ଲକ୍ଷ ୭୯ ହଜାର ୩୨୦ ଥିବା ବେଳେ ରବିବାର ଅପରାହ୍ଣ ସୁଦ୍ଧା ୩ ଲକ୍ଷ ୮ ହଜାର ୫୬୪ରେ ପହଞ୍ଚିଛି। ସେହିପରି ଟପ୍ ୫ ଦେଶ ଭିତରେ ଚୀନ୍, ଇଟାଲୀ, ଯୁକ୍ତରାଷ୍ଟ୍ର ଆମେରିକା, ସ୍ପେନ୍, ଜର୍ମାନୀ ରହିଛନ୍ତି।
ଭାରତରେ ଗତକାଲି ଆକ୍ରାନ୍ତଙ୍କ ସଂଖ୍ୟା ୨୭୫ ଥିବା ବେଳେ ଆଜି ତାହା ୩୩୨ରେ ପହଞ୍ଚିଛି। ଭାରତରେ ମୃତ୍ୟୁ ସଂଖ୍ୟା ୫ ରହିଛି। ଓଡ଼ିଶାରେ ଏବେ ୨ ଜଣ କରୋନା ପଜିଟିଭି ଅଛନ୍ତି। ଜଣେ କ୍ୟାପିଟାଲ ହସ୍ପିଟାଲ ଏବଂ ଆଉ ଜଣେ ଏମ୍ସର ଆଇସୋଲେସନ ୱାର୍ଡରେ ଅଛନ୍ତି। ବିଭିନ୍ନ ମେଡିକାଲରେ ୨୮ ଜଣ ଆଇସୋଲେସନରେ ଅଛନ୍ତି।
